Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte qarly borannan elektr jelileri úzilip, 18 eldi meken jaryqsyz qaldy

2021 jyldyń 22 qańtar 2021 14:44

ShYMKENT. QazAqparat – Shymkentte qarly borannan elektr jelileri úzilip, 18 eldi meken jaryqsyz qaldy. Túnde sóngen jaryqty mamandar áli kúnge qosyp úlgermeı jatyr, dep habarlaıdy QazAqparat tilshisi.

Shymkent qalalyq ákimdiginiń málimetinshe, elektr júıesiniń dıspetcherlik jedel qyzmet kórsetý bólimi kúsheıtilgen kestede jumys jasaýda. Tańnan beri 34 avarııalyq jaǵdaı tirkelip, saǵat 11:00-ge deıin onyń 11-i qaıta iske qosylǵan. Qalǵan oqıǵa oryndarynda jumystar úzdiksiz júrip jatyr. Elektr jelilerin qosýǵa 22 brıgada, 50 adam jumyldyrylǵan. Qaladaǵy birqatar kóshelerde baǵdarshamdar sónip, keptelister týyndaǵan. Jekemenshik úılerdegi peshter elektr jelisine qosylatyndyqtan kóbisi jylýsyz qalǵan. Al, Abaı aýdanynda qar tazalaý jumysy eki aýysymda júrgizilip jatyr. Kommýnaldy qyzmetter tańǵy saǵat 04:00-den bastap qarqyn alǵan. Aýdannyń joldaryn, jaıaý júrginshiler jolyn, alańdary men basqa da qoǵamdyq oryndardy qardan tazalaýǵa 27 arnaıy tehnıka jáne 171 adam jumyldyryldy. Kommýnaldyq qyzmetshiler 258 aýlany 11 baǵyt boıynsha qardan tazalaý jumysyn jalǵastyrýda. Eńbekshi aýdanynda qar jaýa bastaǵan sátten kóktaıǵaqtyń aldyn alý úshin joldar men qıylystarǵa muzdy eritetin materıaldar sebilgen, jaıaý júrginshiler joly qardan tazalanýda. Bul jumystarǵa 8 kommýnaldyq mekemeden 76 tehnıka men 250-den astam jumysshy tartyldy. Al aýdan ákimdigi tarapynan qar tazalaý jumystaryn táýlik boıy baqylaıtyn kezekshilik uıymdastyrylyp otyr.


Joǵary qaraı