Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte kólik urlaǵan kúdikti polıtsııa bóliminde kóz jumdy

2021 jyldyń 8 jeltoqsan 2021 23:48

ShYMKENT. QazAqparat - 1990 jyly týylǵan azamattyń qaıtys bolý sebebin anyqtaý úshin sot-medıtsınalyq saraptamasy taǵaıyndaldy, dep habarlaıdy QazAqparat tilshisi.

Búgin 17:00 shamasynda Shymkent qalasy Polıtsııa departamentiniń ǵımaratynda qala aýmaǵynda birneshe qymbat shet el avtokólikterin aıdap ketý qylmysy boıynsha kúdikti retinde jetkizilgen azamat jaýap alý barysynda birden ózin nashar sezingenin aıtqan. Sol kezde alǵashqy medıtsınalyq kómek kórsetilip, jedel járdem shaqyrtylǵan.

Degenmen, jedel járdem kelgenshe, es-túsin joǵaltqan azamat mezgilsiz qaıtys boldy.

«Atalǵan fakti boıynsha QR ІІM Ózindik qaýipsizdik departamentine jáne qalalyq prokýratýraǵa habarlandy.Qaıtys bolý sebebin anyqtaý úshin sot-medıtsınalyq saraptamasy taǵaıyndaldy. Saraptama nátıjesi qosymsha habarlanady»,- delingen Shymkent qalasynyń polıtsııa departamenti taratqan baspasóz habarlamasynda.


Avtor Qaırat Zaınıshev
Basty sózder: Shymkent, Oqıǵa, QR ІІM,
Joǵary qaraı