Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte kólikten denesin shyǵaryp serýendegen túlekter korteji jazalandy

2022 jyldyń 26 mamyr 2022 10:01

ShYMKENT. QazAqparat - Shymkenttik polıtseıler jol erejesin buzǵan kólik kortejin jaýapqa tartty, dep habarlaıdy QazAqparat.

Áleýmettik jelilerdi baqylaý barysynda birneshe vıdeo anyqtaldy, onda túlekter mingen kortejder jol qozǵalysy erejesin buzǵan.

Shymkent qalasy PD jergilikti polıtsııa qyzmeti Hundai Accent, Toyota Land Cruiser jáne Toyota Camrý avtokólikteriniń júrgizýshilerin QR ÁQBtK-niń 590, 593 jáne 606 baptary boıynsha jaýapkershilikke tartty.

Jalpy, 25 mamyrda Shymkent qalasynyń patrýldik polıtseıleri jol qozǵalysy erejelerin buzǵany úshin 132 júrgizýshini ákimshilik jaýapqa tartty.

Onyń ishinde 10 avtokólik aıypturaǵyna qoıyldy.

Polıtseıler júrgizýshilerden óziniń jáne jol qozǵalysynyń basqa da qatysýshylarynyń qaýipsizdigi úshin jol erejesin qatań saqtaýdy suraıdy.


Basty sózder: Zań, Polıtsııa, Kólik, Mektep, Bilim, Oqıǵa,
Joǵary qaraı