Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte komendanttyq saǵatty buzǵan 75 adam qamaýǵa alyndy

2022 jyldyń 14 qańtar 2022 11:26

ShYMKENT. QazAqparat – Shymkentte komendanttyq saǵatty buzǵany úshin 204 azamat ákimshilik jaýapkershilikke tartyldy, onyń 75-i qamaýǵa alyndy, dep habarlaıdy QazAqparat tilshisi.

Blok beketterde 14 962 avtokólik tekserilip, nátıjesinde jappaı tártipsizdikke qatysqan 9 azamat ustaldy. Olardan 2 gaz tapansha tárkilengen.

Jalpy is-sharalar nátıjesinde buzaqylyqqa qatysty degen kúdikpen 77 adam boıynsha qylmystyq is qozǵalyp, abaqtyǵa qamaldy. Kúdiktilerden sholaq myltyq, travmatıkalyq tapansha, patrondar men urlanǵan telefondar tárkilengen.

Jappaı tártipsizdik kezinde 50 tártip saqshysy túrli jaraqat alǵan, onyń ishinde ekeýine oq tıip, aýyr jaǵdaıda aýrýhanada jatyr. 77 polıtsııa kóligi zardap shekken.

Qaladaǵy beınebaqylaý júıesiniń 189 «sergek» kamerasy qıratylǵan. Qazirgi kezde kameralardy qalpyna keltirý jumystary júrip jatyr.

Al, órt sóndirýshiler arasynda dene jaraqatyn alǵandar joq. Kúndelikti 50-den asa tehnıka men 900 jeke quram qyzmetkeri úsh aýysymda kúsheıtilgen kún tártibinde jumys isteýde.


Joǵary qaraı