Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte qonaqúılerdiń birinde emin-erkin júrgen arystan zoobaqqa ótkizildi

2021 jyldyń 22 qańtar 2021 14:30

ShYMKENT. QazAqparat – Shymkenttegi qonaqúılerdiń birinde qydyryp júrgen arystandy polıtseıler zoobaqqa ótkizdi. Jyrtqysh ań bir táýlik ishinde erkindikte júrgeni anyqtalǵan, dep habarlaıdy QazAqparat tilshisi.

Qalalyq PD baspasóz qyzmetiniń málimetinshe, arystandy izdeýge Jergilikti polıtsııa qyzmeti basqarmasy men Ál-Farabı aýdany Polıtsııa basqarmasynyń qyzmetkerleri jumyldyrylǵan. Tártip saqshylary jaqyn mańdaǵy aýmaqtardy aralap, onyń júrýi múmkin barlyq jerlerdi tekserip shyqqan. Turǵyndardan surastyryp, olar da polıtsııaǵa jan-jaqty kómek kórsetken. Birlesken is-áreketterdiń nátıjesinde arystannyń júrgen jeri anyqtalyp, haıýanattar baǵynyń qyzmetkerlerine tapsyryldy.




Eske salaıyq, buǵan deıin «Instagram» áleýmettik jelisindegi paraqshalardyń birinde azamattardyń qonaq úıde arystan kórgeni týraly beınejazba jarııalanǵan bolatyn.

«Qazirgi tańda atalǵan jaıt boıynsha QR Qylmystyq kodeksiniń 339-babymen (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sotqa deıingi tergep-tekserý bastaldy. Oqıǵanyń mán-jaıy anyqtalýda» delingen habarlamada.


Joǵary qaraı