Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Shymkentte ókpeni jasandy jeldetý apparaty shyǵarylatyn boldy

2020 jyldyń 10 shilde 2020 03:55

ShYMKENT. QazAqparat – Shymkentte ókpeni jasandy jeldetý apparaty (IVL) shyǵarylatyn boldy. Bul týraly qala ákimi Murat Aıtenov Instagram paraqshasynda jarııa etti, dep habarlaıdy QazAqparat tilshisi.

Qala basshysynyń habarlaýynsha, ol «Kazmedpribor Holding» JShS dırektory Rahat Baızaqovpen pandemııamen kúres máselelerin talqylaǵan. Rahat Turǵanbekuly qala turǵyndaryna 150 dana tósek-oryn, ınfýzııa quıýǵa arnalǵan 400 dana shtatıv jáne 40 dana medıtsınalyq baǵana syılaǵanyn aıtqan. Kásipkerge óziniń alǵysyn bildirgen shahar basshysy jaqyn arada ákimdik qoldaýymen «Kazmedpribor Holding» JShS-i ÓJJ apparaty shyǵarylatyndyǵyn jetkizdi.

«Biz bul jobamen úsh aı boıy jumys istedik. Endigi kezekte qajetti sertıfıkatty alsaq, apparatty shyǵara bastaımyz. Aldymen, qalany tolyǵymen qamtyp, sodan keıin elimizdiń ózge qalalaryna kómektesetin bolamyz. Búgingi basty jaǵymdy jańalyq osy», - dedi M. Áıtenov.

Aıta keteıik, qazirgi tańda qaladaǵy medıtsınalyq mekemelerde 323 ÓJJ apparaty bar. Onyń ishinde 130 apparat portatıvti sanalady. Sondaı-aq, emdeý mekemeleri 250 «Bobrov» tynys alý apparaty men 10 monıtormen qamtamasyz etilgen.


Avtor Aınur Aqbaeva
Basty sózder: Koronavırýs, Medıtsına, Shymkent,
Joǵary qaraı