Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte sharýa qojalyǵynyń eki jumysshysy túıneme juqtyryp, aýrýhanaǵa tústi

2020 jyldyń 23 qyrkúıek 2020 10:08

ShYMKENT. QazAqparat - Shymkentte eki adam túıneme juqpaly aýrýyn juqtyrǵan. Naýqastar qalalyq juqpaly aýrýlar aýrýhanasyna jatqyzylyp, em qabyldaýda, dep habarlaıdy QazAqparat tilshisi.

Qalalyq taýarlar men qyzmetterdiń sapasy men qaýipsizdigin baqylaý departamentiniń málimetinshe, eki er adam 28 tamyzda ózderin jaısyz sezine bastaǵan. Sóıtip jeke klınıkaǵa medıtsınalyq kómekke júgingen.

Naýqastar sol jerden qalalyq juqpaly aýrýlar aýrýhanasyna jiberilgen.

Zerthanalyq tekserý nátıjesi boıynsha olarda «túıneme, teri pishini» dıagnozy rastalǵan.

33 jáne 19 jastaǵy er adamdar Túrkistan oblysy Saıram aýdanynyń Qarasý aýylynda ornalasqan sharýa qojalyǵynda jumys isteıdi. Bul sharýashylyq mal ósirýmen jáne satýmen aınalysady.

«Aýrýhanaǵa qabyldaý kezinde ekeýiniń jaǵdaıy ortasha aýyr bolǵan. Syrqattarmen baılanysta bolǵan 20 adam anyqtaldy. Olardyń arasynda terapııalyq emdeýden ótken turǵyndar bar. Qazirgi ýaqytta eki naýqas ta tıisti emin qabyldap, jaǵdaılary jaqsarǵan. Aýrýhanadan shyǵarýǵa daıyndyq ústinde» delingen habarlamada.

Óńirdiń veterınarlary atalǵan sharýa qojalyǵynyń malyn tekserdi. Degenmen úı janýarlarynen aýrý tabylǵan joq.

Aıta keteıik, Shymkent qalasynda túınemeniń 8 tabıǵı oshaǵy resmı túrde tirkelgen. Al, Túrkistan oblysynyń aýmaǵynda olardyń sany 300-den asady.


Avtor Aınur Aqbaeva
Basty sózder: Oqıǵa, Shymkent,
Joǵary qaraı