Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte spırtti ishimdik daıyndaıtyn 4 astyrtyn tseh anyqtaldy

2021 jyldyń 24 maýsym 2021 01:53

NUR-SULTAN. QazAqparat – Shymkentte qoldan spırtti ishimdik daıyndaıtyn 4 astyrtyn tseh anyqtaldy, dep habarlaıdy QazAqparat Qarjylyq monıtorıng agenttiginiń baspasóz qyzmetine silteme jasap.

«Alkogol ónimderin qoldan jasaýdyń saldary memleketke orasan zor ekonomıkalyq zııan keltirip qana qoımaı, adam densaýlyǵyna eleýli qaýip tóndiredi. Qoldan jasalǵan alkogoldi tutyný múgedektikke, keı jaǵdaıda tipti adam ólimine de ákelip soqtyrýy múmkin.

Shymkent qalasy boıynsha Ekonomıkalyq tergep-tekserý departamentiniń qyzmetkerleri jedel-tergeý sharalarynyń nátıjesinde sýrrogat alkogol ónimin óndiretin 4 astyrtyn tseh qyzmetiniń jolyn kesti»,-delingen habarlamada.

Tekserý barysynda 19 myń shólmek túrli markaly alkogol ónimi, 75 lıtr spırt, 13,4 tonna spırti bar suıyqtyq, 5 myńnan astam jáne 1 orama esepke alý-baqylaý markalary tabylyp, tárkilendi. Sondaı-aq, kontrafaktilik ónimderdi quıýǵa arnalǵan túrli jabdyqtar tárkilendi.

Shymkent qalasy boıynsha Memlekettik kirister departamentiniń qorytyndysyna sáıkes 4 astyrtyn tsehtyń uıymdastyrýshylary memleketke 9 mln.teńgege jýyq shyǵyn keltirgen.

Úsh fakti boıynsha QR QK-tiń 233-babynyń 2-bóligi boıynsha tergeý amaldary júrgizilýde, bir fakti boıynsha kúdikti kinásin tolyǵymen moıyndap, zalaldyń ornyn toltyrdy.


Joǵary qaraı