Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte stend jáne oq atýdan HHIX halyqaralyq onlaın-týrnır ótýde

2020 jyldyń 23 qazan 2020 10:45

ShYMKENT. QazAqparat - Shymkent qalasynda stend jáne oq atýdan HHIX halyqaralyq onlaın-týrnır ótýde. Sporttyq shara KSRO sport sheberi Vladımır Pochıvalovty eske alýǵa arnalyp otyr, dep habarlaıdy QazAqparat tilshisi.

Halyqaralyq týrnırdiń ashylý rásimine qala ákiminiń orynbasary Maqsut Isahov pen álemniń tórt dúrkin chempıony, Qazaqstannyń eńbek sińirgen sport sheberi Ilıa Ilın jáne Nur-Sultan, Almaty qalalary men Jambyl, Qaraǵandy, Qyzylorda, Mańǵystaý, Pavlodar oblystarynan kelgen 100-ge tarta sportshy qatysty. On kúnge sozylatyn týrnır ctend atý boıynsha «SHYMKENT SHOOTING PLAZA» ashyq atý alańynda ótse, oq atý jarysy Joǵary sport sheberligi mektebi bazasynyń atý tırinde uıymdastyrylýda. Jarysqa onlaın túrde álemniń 20 elinen, atap aıtqanda Italııa, Armenııa, Germanııa, Izraıl, Bangladesh, Býtan, Katar, Iran, Lıvan, Kýveıt, Indonezııa, AQSh, BAÁ, Reseı, Belarýs, Ýkraına, Tájikstan, Qyrǵyzstan, Ózbekstan, Qazaqstannan sportshylar qatysýda. Oq atý sport túrinen Sius Ascor, stend atý sport túrinen Multi-Pull, Range Master baǵdarlamalaryn qoldanyp, elektrondyq qondyrǵylarda ótedi. Sondaı-aq, týrnır barysynda Olımpıada oıyndary men Azııa oıyndary, Azııa chempıonattary jáne «Azııa balalary» halyqaralyq sporttyq oıyndarynyń chempıondary men júldegerleri óz sheberlikterin kórsetýi josparlanyp otyr.

Aıta keteıik, Shymkentke kelgen barlyq sportshylar, jattyqtyrýshylar men tóreshilerden PTR synaǵynyń teris nátıjesi bar anyqtama alynǵan. Sonymen qatar, týrnır ótip jatqan sport ǵımarattarynda barlyq sanıtarlyq normalar saqtalǵan.








Avtor Aınur Aqbaeva
Basty sózder: Shymkent, Sport,
Joǵary qaraı