Aýa raıy
Astana -24 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte taǵy bir ýnıversıtet negizgi lıtsenzııasynan aıyryldy

2020 jyldyń 17 qazan 2020 11:23

ShYMKENT. QazAqparat - QR Bilim jáne ǵylym mınıstrligi taǵy bir joǵary oqý ornyn – akademık A.Qýatbekov atyndaǵy Halyqtar dostyǵy ýnıversıtetin bas lıtsenzııasynan aıyrdy, dep habarlaıdy QazAqparat tilshisi.

Sheshim joǵary oqý ornynda bilim salasyndaǵy zańnamanyń saqtalýy boıynsha birneshe ret ótken tekserýden keıin qabyldandy.

Sonymen qatar bul sheshim Shymkent qalasynyń mamandandyrylǵan aýdanaralyq ákimshilik soty otyrysynyń qorytyndysy boıynsha shyǵaryldy, 10 jumys kúni ishinde zańdy kúshine enedi. Osy kezeńde akademık A. Qýatbekov atyndaǵy Halyqtar dostyǵy ýnıversıteti sot sheshimine de, mınıstrlikke de shaǵymdanýǵa quqyly.

Oryn alǵan buzýshylyqtar oqý úderisin uıymdastyrý, talapkerlerdi oqýǵa qabyldaý, joo-ny oqý-ádistemelik jáne ǵylymı ádebıettermen qamtamasyz etý, túlekterdi jumysqa ornalastyrý tóńireginde boldy.

Stýdentter oqý semestriniń aıaqtalǵanyn kútpeı-aq basqa joo-larǵa aýysa alatynyn aıta ketken jón. Stýdentterdiń barlyq oqý kórsetkishteri basqa joo-larǵa aýysqan kezde jaramdy bolady. Aqyly negizde oqıtyndar úshin oqý quny burynǵy deńgeıde qalady. BǴM óz tarapynan kómektesedi.

«Biz stýdentter men ata-analardyń mundaı sharalar, eń aldymen, stýdentterdiń ózderiniń múddelerin eskere otyryp, qabyldanatynyn túsingenin qalaımyz. Eger joǵary oqý oryndary bilim berý salasyndaǵy talaptarǵa sáıkes kelmese, dıplom alǵannan keıin bolashaq mamandar jumysqa ornalasý problemalaryna tap bolýy múmkin» , – deıdi QR BǴM Bilim jáne ǵylym salasynda sapany qamtamasyz etý komıtetiniń tóraıymy Gúlzat Kóbenova.


Joǵary qaraı