Aýa raıy
Astana 3 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte taspen urǵan turǵyn kóz jumdy

2020 jyldyń 4 tamyz 2020 00:09

ShYMKENT. QazAqparat – Shymkentte belgisiz adam jergilikti turǵynnyń basyn taspen uryp, kóshege tastap ketken. Saldarynan 63 jastaǵy jábirlenýshi kóz jumdy, dep habarlaıdy QazAqparat tilshisi.

Qalalyq PD baspasóz qyzmetiniń málimetinshe, qylmystyq oqıǵa keshki saǵat 21:30-da shamasynda bolǵan. Abaı aýdany Polıtsııa basqarmasynyń jedel tergeý toby atalǵan oqıǵa ornyna jetip, jábirlenýshige dene jaraqattaryn salǵan kúdiktiniń boı tasalaǵanyn anyqtaǵan. Jedel izdestirý sharalaryn júrgizý barysynda jergilikti polıtsııa qyzmeti jáne Patrýldik polıtsııa polkiniń №810 avtoekıpajynyń qyzmetkerleri kúdiktini izin sýytpaı anyqtap, ustady.

Ol 1979 jyly týǵan Túrkistan oblysynyń turǵyny. Qazirgi tańda sotqa deıingi tergep-tekserý amaldary júrgizilýde.

«Atalǵan fakti sotqa deıingi tergep-tekserýdiń biryńǵaı tiziliminde QR QK-niń 106-baby 3-bóligimen «Densaýlyqqa qasaqana aýyr zııan keltirý» tirkeldi. Alaıda adam ólimine baılanysty qylmystyq is QR QK-niń 106-babynyń 3-bóliginen 99-babynyń 1-bóligine qaıta saralandy», - delingen habarlamada.

Kúdiktige Shymkent qalasy mamandandyrylǵan tergeý sotymen «kúzetpen ustaý» bultartpaý sharasy qoldanyldy.


Avtor Aınur Aqbaeva
Basty sózder: Qylmyspen kúres, Shymkent,
Joǵary qaraı