Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte turatyn Nursultan Nazarbaev: Bul esimdi ıelený men úshin úlken abyroı

2021 jyldyń 1 jeltoqsan 2021 09:58

ShYMKENT. QazAqparat - Shymkent qalasynda Elbasymen attas azamat turady. Aty — Nursultan. Tegi — Nazarbaev. ıAǵnı, Nursultan Nazarbaev. «NazMed» medıtsına ortalyǵynda bas dáriger bolyp qyzmet atqaratyn ol, Elbasymen attas bolý úlken jaýapkershilik júkteıtindigin aıttady.

«Bul esimdi ıelený men úshin úlken abyroı, maqtanysh, ári úlken jaýapkershilik. Eń bastysy Elbasynyń atyna kir keltermeýim kerek. Mektepte jaqsy oqydym. Joǵary oqý ornyn da úzdik bitirdim. Árdaıym Elbasyndaı kóshbasshy bolýǵa umtyldym», – deıdi ol.

Nursultan Nálihanuly 1989 jyly Tashkent qalasynda dúnıege kelgen. Atasy Nazarbaı sol kezdegi Qazaqstan Kompartııasy Ortalyq Komıtetiniń hatshysy qyzmetin atqaryp júrgen N.Á.Nazarbaevtyń jolyn bersin degen nıetpen esimin Nursultan qoıypty. Sebebi, sol kezdegi qazaq jastarynyń arasynan shyqqan kóshbasshyǵa degen otbasynyń qurmeti joǵary bolǵan.

«Biz úıde bir qyz, eki ulmyz. Úlkenimiz — Gúljanat. Al, menen keıingi inimniń esimi Nurıslam. Ol dúnıege kelgen kezde Ózbekstan men Qazaqstan arasyndaǵy dostyq bekı túsken bolatyn. Sondyqtan atam, eki el Prezıdentteriniń esimderindegi «Nur» jáne «Islam» sózderin alyp, «Nurıslam» dep atady», – deıdi ol.




30 jastan endi asqan Nursultan Nazarbaevpen kezdesken jandar esimin estigen kezde tań qalysady eken. Alǵashqyda senbeıtinder, kýáligin kórgen soń, sýretke túsip, selfı jasaıdy.

«Aldyma kelgen patsıentter beıdjıgimde jazylǵan esimimdi kórip, senbeı qaıta surap jatady. Іs-saparmen júrip, keı mekemelerge tirkelmekshi bolyp, qujatymdy usynǵan kezde de betime tań qalysyp qaraıtyndar kóp. Birde jol patrýldik polıtsııa qyzmetkeri toqtatty. Sheni aǵa leıtenat eken. Qujattarymdy kórisimen kapıtanyn shaqyryp, esimim jazylǵan qujattardy kórsetti. Ekeýide kúlip qarap, sáttilik tiledi», - deıdi Nursultan.

Jalpy Shymkenttik Nazarbaevtar otbasyn kópshilik dárigerler dınastııasy dep biledi. Ákesi men ápkesi aq halat kıip, halyqqa qyzmet etip júr. Al, Nursultannyń ózi búginde ǵylym jolyn ustanǵan. Magıstrlikti támamdap, doktorlyqty oqyp jatyr. Ári kásibı maman. Bilikti basshy. Joǵary dárejeli hırýrg.

«Adamda arman kóp qoı. Meniń bir armanym — Elbasymen kezdessem», – deıdi ol.








Joǵary qaraı