Aýa raıy
Astana 13 °S
Almaty 12 °S
valıýta baǵamy
USD 386.77
EUR 427.26
RUB 6.00
CNY 54.56

Shymkentte Ýkraınadan kelgen saıahatshyǵa shabýyldaǵan kúdiktiler ustaldy

2019 jyldyń 25 tamyz 2019 10:45

NUR-SULTAN. QazAqparat – Shymkentte Ýkraınadan kelgen velosaıahatshyǵa shabýyldap, uryp-soǵyp, tonap ketken kúdiktiler ustaldy, dep habarlaıdy QazAqparat Otyrar.kz saıtyna silteme jasap.

Qylmys jasady degen kúdikpen Shymkent qalasynyń úsh kámeletke tolmaǵan turǵyny ustaldy. 17 jastaǵy tonaýshylar velotýrıstiń zattarynyń bir bóligin qaıtardy.

Vladımır Galıgýzov Ál-Farabı aýdanynyń polıtseılerine jumystary úshin alǵys aıtty. Sondaı-aq, Shymkent qalasynyń turǵyndaryna, qala ákimdigine meıirimdilik jasaǵany úshin alǵys bildirdi.

Belgili bolǵandaı, Shymkent qalasynyń turǵyndary men ákimshiligi qapyda qalmaı, zardap shekken Ýkraınadan kelgen velotýrıske kómektesý úshin bar kúshterin salǵan.

BAQ-ta ýkraınalyq velotýrıspen bolǵan oqıǵa jarııalanǵannan keıin, Shymkent qalasy týrızm basqarmasy men «SHYMQALA» hosteliniń menshik ıesi týrısti alǵan jaraqaty ońalǵansha hostelge jatqyzdy.

Shymkenttegi veloqaýymdastyq múshesi sanalatyn Andreı esimdi metsenattyń kúshimen saıahatshynyń velosıpedi jóndeýden ótti. Kún saıyn qala turǵyndary saıahatshyǵa kelip, dári-dármekteri men basqa da qajetti zattaryn jetkizip turdy.

Eske salaıyq, tamyz aıynyń basynda Vladımır Galıgýzov ózi týyp-ósken Shymkent qalasyna keldi. Er adam túnde palatkada túnegen kezde belgisiz úsh adam Vladımırdy uryp-soǵyp, qabyrǵasyn syndyrǵan jáne qajetti zattary men iri somadaǵy aqshasyn urlap ketken. 1000 AQSh dollary men birneshe myń teńgesi joǵalǵan. Saıahattaýdy toqtatýǵa májbúr boldy.

Joǵary qaraı