Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte júrgizýshi 60 jastaǵy qala turǵynyn qaǵyp óltirip, qashyp ketken

2021 jyldyń 27 shilde 2021 21:25

ShYMKENT. QazAqparat - Oqıǵa saldarynan jaıaý júrginshi dene jaraqattarymen aýrýhanaǵa jetkizilip, keıin kóz jumdy, dep habarlaıdy Polisia.kz.

2021 jyldyń 6 shildesinde Shymkent qalasynyń ál-Farabı aýdany Qazybek bı kóshesinde belgisiz júrgizýshi kólik quralyn basqaryp kele jatyp, 60 jastaǵy adamdy qaǵyp ketken.

Oryn alǵan oqıǵanyń saldarynan jaıaý júrginshi dene jaraqatymen aýrýhanaǵa jetkizilip, kóz jumdy.

Atalǵan fakti QR QK 345-babynyń 3-bóligi jáne QR QK 347-babymen tirkeldi.

26 shildede jedel-izdestirý is-sharalary barysynda Toyota Camry markaly avtokóligin basqarǵan Shymkent qalasynyń 30 jastaǵy turǵyny anyqtalyp, ustaldy.

Kólik aıyp turaǵyna qoıyldy. Tıisti saraptamalar taǵaıyndaldy. Jaýap alý barysynda kúdikti óz kinásin tolyq moıyndady.

Qazirgi ýaqytta ol ýaqytsha ustaý ızolıatoryna qamalǵan.

Jol-kólik oqıǵasy boıynsha sotqa deıingi tergep-tekserý amaldary júrgizilýde.


Basty sózder: Oqıǵa, Kólik, Shymkent, Jol,
Joǵary qaraı