Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkenttik dárigerler ókpesi isten shyqqan naýqasty aman alyp qaldy

2021 jyldyń 20 sáýir 2021 18:11

ShYMKENT. QazAqparat - Shymkenttik dárigerler ókpesi isten shyqqan 52 jastaǵy naýqasty aman alyp qaldy. Jaǵdaıy aýyr bolǵandyqtan, dárigerler ony birden jansaqtaý bólimine jatqyzǵan, dep habarlaıdy QazAqparat tilshisi.

Qalalyq densaýlyq saqtaý basqarmasynyń málimetinshe, Isagıl Tasım 4 sáýir kúni óte aýyr hálde aýrýhanaǵa túsken. Ony dárigerler «Atameken» medıtsınalyq ortalyǵynan Shymkent qalalyq juqpaly aýrýlar ortalyǵyna jedel járdem qyzmetimen aýystyrǵan. Ókpesiniń 80 paıyzy zaqymdalǵan 52 jastaǵy azamattan koronavırýs ınfektsııasy anyqtalǵan. Buǵan qosa, ol ózdiginen demala almaǵandyqtan, apparatqa qosylǵan. Naýqasta tynys jetispeýshiliginiń 3-dárejesi, aıqyn ıntoksıkatsııalyq sındromy, trombotsıttiń tómen bolýy syndy asqynýlar bolǵan. Naýqasqa dárigerler tolyq em kórsetip, antıkoagýlıantty jáne antıbakterıldyq terapııa boıynsha kómek kórsetken.

«On kúnnen asa jansaqtaý bóliminde em alǵan naýqasty dárigerler jaǵdaıy jaqsarǵan soń bólimshege aýystyrdy. Keıin ózdiginen tynys ala bastady. Tynys alý jıiligi de jaqsarǵan. Aldaǵy bir-eki kúnde aýrýhanadan shyǵarýdy josparlap otyr», - delingen habarlamada.


Joǵary qaraı