Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkenttik zııaly qaýym: Halyqtyń bar úmiti – jańa úkimette

2022 jyldyń 17 qańtar 2022 14:50

ShYMKENT. QazAqparat - Jańa úkimetten halyqtyń kúter úmiti kóp. Shymkent qalasynyń zııaly qaýym ókilderi men qoǵamdyq uıym músheleri osylaı deıdi.

Jergilikti «Ońtústik» telearnasynda ótken «Kózqaras» tok-shoýynda QR Parlamenti Májilisinde Prezıdenttiń el úkimetine júktegen tapsyrmalarynyń barysy talqylandy.

«Jańa úkimetten halyqtyń kútip otyrǵan úmiti kóp. Bárimiz soǵan senip otyrmyz. Shyn máninde halyq únine qulaq asatyn úkimet retinde qalyptasýy qajet. Ol úshin eń aldymen saraptaý jáne boljaý baǵyty kúsheıedi dep oılaımyn. Sodan keıin halyqtyń áleýmettik-ekonomıkalyq jaǵdaıyn jaqsatýǵa baǵyttalǵan naqty qadamdar jasalady», - deıdi Shymkent qalalyq máslıhatynyń hatshysy Bahadyr Narymbetov.

Sondaı-aq, ol Memleket basshysy halyqtyń kókeıinde júrgen máselelerdi dóp basyp aıtqandyǵyn jetkizdi.

«Bul da bolsa Prezıdenttiń el ishindegi máselelerden tolyq habardar ekendigin kórsetedi. Shekaradaǵy jaǵdaı, ýtıl alymy, LRT isi halyqtyń yzysyn keltirip júrgen bolatyn. Prezıdent qyrkúıek aıynda úlken saıası reformalar men áleýmettik-ekonomıkalyq damýdyń jańa formasyn talqyǵa shyǵaratynyn aıtty. Sondyqtan el ishindegi yntymaǵymyz ben birligimizdi saqtaıyq. Aldaǵy ýaqytta barlyq másele sheshiledi» - deıdi ol.

Sondaı-aq, Bahadyr Narymbetov úkimet músheleri jaıynda jelide tarap jatqan sózderge de jaýap berdi.

«Úkimet degen - úlken keme. Eń bastysy kemeńger kemeniń baǵytyn ózgertti. Endi ol jerde sý shashýshy, tamaq isteýshi, jelkendi kóterýshi, eskek esýshilerdiń barlyǵy buryńǵy bolsa da, olardyń baǵyty ózgerdi. Barlyǵyn ózgertip «altyn basty» adamdy qoısa da, onyń baǵyty ózgermese qıyn. Sondyqtan biz osy úkimetpen biraz bıikterge jetemiz» - dedi ol.

Tok-shoýda Shymkent qalalyq ardagerler keńesiniń tóraǵasy Kenjehan Tólebaev jańadan taǵaıyndalǵan mınıstrlerdiń bolashaǵynan úlken úmit kútýge bolatyndyǵyn jetkizdi.

«Basym kópshiligi - shetelde bilim alǵan, kórgeni men kóregendigi joǵary azamattar. Jańa tehnologııany jaqsy túsinedi. Barlyǵyna kóńilim tolady. Senim artýǵa da bolady» - dedi ol.

Al, M.Áýezov atyndaǵy OQÝ prorektory, saıasattanýshy Sáken Májinbekov áleýmettik ádiletsizdik máselesi qolǵa alynsa, halyqtyń ál aýqaty men turmys jaǵdaıy durystalatynyn aıtyp ótti.

Qoǵam qaıratkeri Ábilqasym Dosbolov shaǵyn jáne orta bıznesti damytýǵa basymdyq berý kerektigin jetkizdi.

Tok-shoýda turǵyndar tarapynan «azyq-túlik baǵasynyń qymbattyǵy, járdemaqy men zeınetaqynyń azdyǵy jóninde suraqtar qoıyldy. Sondaı-aq, oramdy oılar da ortaǵa salyndy.


Joǵary qaraı