Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shyrshadan shyqqan órt: Taldyqorǵan turǵyny kórshisiniń eki balasyn qutqardy

2021 jyldyń 27 jeltoqsan 2021 09:30

TALDYQORǴAN. QazAqparat - Almaty oblysynyń turǵyny kórshisiniń eki balasyn órtten qutqardy, dep habarlaıdy QazAqparat.

Oblystyq tótenshe jaǵdaılar departamenti taratqan málimetke sensek, 26 jeltoqsan saǵat 10.36-da qutqarýshylarǵa Taldyqorǵan qalasy Bolashaq shaǵynaýdanyndaǵy kóppáterli turǵyn úıdiń 5-qabatynda páter órtendi degen habarlama kelip tústi.

Oqıǵa ornyna Almaty oblysy TJD-nen 16 qyzmetker men 6 tehnıka, sondaı-aq basqa da shuǵyl qyzmetter dereý jiberildi.

Páterde jasandy shyrsha men 0,5 sharshy metr alańda dıvan janǵany anyqtaldy.

Órtke qarsy bólimshe kelgenge deıin kórshi Álisher Erikov eki balany páterden shyǵaryp, órtti sóndirip úlgergen.




Qaza bolǵandar men zardap shekkender joq.

Órttiń shyǵýyna ishki elektr jelisine qosylǵan elektr gırlıandasynyń qysqa tuıyqtalýy sebep bolǵan.

Almaty oblysynyń TJD azamattardan jańajyldyq shyrshany ornatý kezinde órt qaýipsizdigi erejelerin saqtaýdy suraıdy.

- shyrshany butaqtar, qabyrǵalar men tóbege tıip ketpeýi úshin turaqty negizge qoıyńyz;
- ony bezendirý úshin qaǵaz, maqta oıynshyqtaryn, shamdardy paıdalanbańyz, negizdi maqtamen jappańyz;
- elektr gırlıandalary zaýytta shyǵarylǵan (sertıfıkattalǵan) bolýy jáne symdardyń qyzýy, ushqyndaý, shamdardyń jypylyqtaýy jáne t. b. sııaqty zaqymdary bolmaýy tıis.;
- shyrshanyń janynda bengal ottaryn jáne shartyldaqtardy paıdalanbańyz;
- balalardyń ózdiginen jaryq qosýyna jol bermeńiz;
- elektr gırlıandasyn elektr jelisine qosyp, úıden shyqpańyz.
Joǵary qaraı