Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShYU damýdyń jańa kezeńine shyǵady – QR Prezıdenti

2021 jyldyń 17 qyrkúıek 2021 13:02

DÝShANBE. QazAqparat – Shanhaı yntymaqtastyq uıymy óz damýynyń sapaly jańa kezeńine shyǵady. Bul týraly Dýshanbede ótip jatqan ShYU-ǵa múshe memleketter basshylary keńesinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Bıyl uıymymyz úshin ataýly jyl. 20 jyl buryn tarıhı qadam jasalyp, Shanhaı yntymaqtastyq uıymyn qurý týraly deklaratsııa qabyldandy. HHІ ǵasyrdyń basynda negizi qalanǵan Shanhaı yntymaqtastyq uıymy búkil álemge Eýrazııa keńistigindegi halyqtardyń qaýipsizdigi, damýy, jáne gúldenýi úshin tıimdi yntymaqtastyqqa ujymdyq erik-jigerin pash etti. Ortalyq kúsh-jigerimizdiń arqasynda ShYU álemdegi eń tabysty ári bedeldi óńirlik birlestikke aınaldy. ShYU jaýapkershiligi aımaǵynda aýqymdy demografııa, qarjy, shıkizat resýrstary sonymen qatar qýatty tehnologııalyq áleýet shoǵarylanǵan», - dedi Memleket basshysy.

QR Prezıdenti qomaqty normatıvtik-quqyqtyq baza qalyptasyp, barlyq deńgeıde tıimdi ózara is-qımyl tetikteri qurylǵanyn basa aıtty.

«Uıymnyń halyqaralyq baılanysty qarqyndy túrde keńeıýde. Úndistan men Pákistannyń qosylýy ShYU-ny kúsheıte túskeni sózsiz. Onyń qyzmetine naqty transeýrazııalyq sıpat berdi. Irandy qabyldaý protsedýrasyn bastaý týraly sheshim, sondaı-aq Mysyr, Saýd Arabııasy men Katarǵa dıalog jónindegi áriptes mártebesin berý uıymǵa jańa ólshem – taıaýshyǵystyq sıpat beredi. Munyń barlyǵy da yntymaqtastyqtyń Shanhaı rýhynyń ózektiligi men biregeıligin dáledeıdi», - dedi Qasym-Jomart Toqaev.

Memleket basshysy ShYU ashyq ári transparentti qurylym bolǵanyn jáne solaı bolyp ta qala beretindigin, qyzmeti ózge elder men bloktardyń múddesine qarsy baǵyttalmaǵandyǵyn atap ótti.

«Endi Shanhaı yntymaqtastyq uıymy óz damýynyń sapaly jańa kezeńine shyǵady», - dedi QR Prezıdenti.


Joǵary qaraı