Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

ShYU-ǵa múshe memleketter densaýlyq saqtaý mınıstrleriniń otyrysy ótip jatyr

2020 jyldyń 24 shilde 2020 13:40

NUR-SULTAN. QazAqparat – Vıdeokonferentsııa arqyly baılanysta Shanhaı yntymaqtastyq uıymyna múshe memleketterdiń densaýlyq saqtaý mınıstrleriniń otyrysy ótip jatyr, dep habarlaıdy QazAqparat tilshisi.

«Ózderińiz biletindeı, 2020 jyly Reseı Federatsııasy Shanhaı Yntymaqtastyq uıymynda tóraǵalyǵyn jalǵastyrady. Reseılik taraptyń tóraǵalyǵy aıasynda densaýlyq saqtaý salasynda birqatar shara josparlanǵan bolatyn. ShYU-ǵa múshe memleketterdiń densaýlyq saqtaý mınıstrleriniń sońǵy otyrysy 2015 jyly ótken edi. Sońǵy bes jylda uıymǵa múshe memleketterdiń mınıstrleriniń otyrysy ótken emes», - dedi jıynda RF densaýlyq saqtaý mınıstri Mıhaıl Mýrashko.

Onyń aıtýynsha, ShYU jahandyq jáne aımaqtyq problemalardy sheshý jolynda tıimdi alań bolyp otyr.

«Búgin biz indetpen kúreste memleketterimizdiń basty jetistikterin talqylaýǵa jáne osy baǵyttaǵy bolashaqtaǵy áreketterden kútetin tujyrym jasaýǵa jınaldyq. Búgingi talqylanǵan máseleler ShYU-ǵa múshe memleketter basshylarynyń Sankt-Peterbýrgtegi aldaǵy otyrysynyń sheshimderine negiz bolady dep úmittenemiz», - dedi mınıstr.

Kezdesý barysynda taraptar otyrystyń kún tártibin bekitti.

Otyrysta Reseı, Úndistan, Qazaqstan, Qyrǵyzstan, Tájikstan, Ózbekstan densaýlyq saqtaý mınıstrleri, sondaı-aq Pákistan premer-mınıstriniń arnaıy kómekshisi, QHR Memlekettik densaýlyq saqtaý komıtetiniń basshysy ShYU múshe-memleketterindegi qazirgi jaǵdaı týraly baıandama jasaıdy.

Sondaı-aq ShYU Bas hatshysy, DDSU ókili, sondaı-aq ShYU baıqaýshy memleketterdiń delegatsııa basshylary sóz sóıleıdi.


Joǵary qaraı