Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

ShYU hatshylyǵy epıdemııaǵa qarsy úılestirý keńesin qurýdy usyndy

2020 jyldyń 24 shilde 2020 16:15

NUR-SULTAN. QazAqparat – Shanhaı yntymaqtastyq uıymynyń hatshylyǵy epıdemııaǵa qaýpine qarsy birlese kúsh jumyldyrý boıynsha úılestirý keńesin qurýdy usyndy. Bul usynysty uıymnyń bas hatshysy Vladımır Norov bildirdi, dep habarlaıdy QazAqparat tilshisi.

«Shanhaı yntymaqtastyq uıymyna múshe memleketterdiń obamen kúres salasyndaǵy yntymaqtastyǵy týraly kelisim jobasy maquldaý satysynda tur. Uıymǵa múshe memleketterdiń jedel jáne júıeli ózara is-qımylyn uıymdastyrý úshin ShYU keńistiginde epıdemııa qaýpine qarsy birlesken is-qımyl jónindegi úılestirý keńesin qurý - osy baǵyttaǵy naqty qadam bolýy múmkin. Qujat jobasyn ShYU Hatshylyǵy ázirledi. Ózbek jáne tájik taraptary ShYU múshe memleketterdiń syrtqy ister mınıstrleriniń keńesinde hatshylyqtyń bul usynysyn qoldady. Atalmysh mehanızm múshe memleketterge epıdemıologııalyq aýrýlardyń aldyn-alýǵa qatysty keshendi sharalardy ázirleýge jáne iske asyrýǵa arnalǵan», - dedi Vladımır Norov ShYU múshe memleketterdiń densaýlyq saqtaý mınıstrleriniń otyrysynda.

Onyń aıtýynsha, taıaýda Sankt-Peterbýrgte ShYU-ǵa múshe memleketter basshylarynyń sammıti ótedi.

«Uıymǵa múshe memleketterdiń aımaqtaǵy indet qaýpine qarsy turýdyń keshendi is-sharalar josparyn qabyldaý jumysy josparlanýda. Koronavırýs pandemııasynan týyndaǵan qaýiptiń aýyrlyǵyn eskere otyryp, birlesken kúsh-jiger men ózara qoldaý bul tótenshe jaǵdaıdy sátti eńserýge jáne epıdemııanyń taralýyn toqtatýǵa múmkindik beredi. Mundaı jaǵdaıda ShYU densaýlyq saqtaý mınıstrleriniń keńesi sııaqty praktıkalyq ózara is-qımyl tetikteriniń tıimdiligi aıtarlyqtaı arta túseri daýsyz», - dedi ol.

Eske sala ketsek, búgin Shanhaı yntymaqtastyq uıymyna múshe memleketterdiń densaýlyq saqtaý mınıstrleriniń otyrysy ótken bolatyn.

Otyrysta Reseı, Úndistan, Qazaqstan, Qyrǵyzstan, Tájikstan, Ózbekstan densaýlyq saqtaý mınıstrleri, sondaı-aq Pákistan premer-mınıstriniń arnaıy kómekshisi, QHR Memlekettik densaýlyq saqtaý komıtetiniń basshysy ShYU múshe-memleketterindegi qazirgi jaǵdaı týraly baıandama jasady.


Joǵary qaraı