Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShYU-nyń ekologııalyq problemalar tizilimin tezirek bekitý qajet - Toqaev

2021 jyldyń 17 qyrkúıek 2021 14:23

DÝShANBE. QazAqparat – ShYU-nyń ekologııalyq problemalar tizilimin tezirek bekitý qajet. Bul týraly Dýshanbede ótip jatqan ShYU-ǵa múshe memleketter basshylary keńesinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Álemdik ekonomıkanyń jasyl relske kóshýi júıe quraýshy faktorǵa aınalyp keledi. Turaqty damý jáne qorshaǵan ortany qorǵaý máseleleri uıymyzdyń barlyq múshe memleketteriniń basty nazarynda tur. Sondyqtan biz shuǵyl ujymdyq sheshimdi talap etetin ShYU-nyń ekologııalyq problemalar tizilimin tezirek bekitýdi taǵy da qoldaımyz», - dedi Qazaqstan Prezıdenti.

Qasym-Jomart Toqaev Qazaqstan resýrs únemdeýshi jáne ekologııalyq taza tehnologııalardy keńinen engizý maqsatynda ShYU-nyń jasyl beldeý baǵdarlamasyna qol qoıýdy jaqtaıtyndyǵyn basa aıtty.

«Turaqty damý kúntártibin munan ary ilgeriletý úshin sizderdi Qazaqstan elordasynda jumys isteıtin Jasyl tehnologııalar jáne ınvestıtsııalyq jobalar halyqaralyq ortalyǵymen yntymaqtastyqqa shaqyramyz. Bizge Eýrazııadaǵy úlken oıyndar qajet emes. Bizge barlyǵymyz úshin beıbit, qaýipsiz, turaqty bolashaq qurý maqsatynda úlken serpilis qajet. Ol úshin memleketterimizde barlyq jaǵdaı, tájirıbe, quraldar, ınfraqurylym jáne eń bastysy áriptestikti keńeıtýge ári bir-birimen kezdesýge barýǵa degen ortaq nıet bar. Bizdiń ortaq maqsatymyz – ShYU keńistigin turaqty ekonomıkalyq damyǵan ári gúlden shaǵyn óńirge aınaldyrý. Osynaý ızgi mindetti birlese otyryp oryndaımyz dep úmittenemin», - dedi Memleket basshysy.


Joǵary qaraı