Aýa raıy
Astana -16 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Sıdneıde eki kún túnde temperatýra 39-dan túspegen

2020 jyldyń 29 qarasha 2020 20:36

SIDNEI. QazAqparat – Sıdneıde qarasha aıyndaǵy eń ystyq tún tirkeldi. Eki tún qatarynan temperatýra 39-dan túspegen. Meteobaqylaý qolǵa alynǵannan beri mundaı ystyq tirkelmegen, dep habarlaıdy QazAqparat Euronews-ke silteme jasap.

Aýstralııada óte ystyq bolyp tur. Jańa ońtústik Ýels, Ońtústik Aýstralııa shtatynda, Vıktorııa shtatynyń soltústiginde aýa temperatýrasy Tselsıı shkalasy boıynsha plıýs 45-ke jetken. Osyǵan baılanysty birqatar óńirde ot jaǵýǵa tyıym salyndy.

Jańa ońtústik Ýelste on shaqty jerden orman órtengen. Shtat bıligi saq bolý kerektigin eskertti.

«Turǵyndar byltyrǵy jazdan keıin óńirimizge orman órti qaýpi joq dep sanaıdy. Shtat aýmaǵynyń 90%-yn órt shalmaǵany ras. Alaıda bul Jańa ońtústik Ýels shtatynyń 90 paıyzy byltyrǵydaı orman órti shyǵýy qaýpi bar aýmaq ekenin bildiredi», - deıdi Jańa ońtústik Ýels shtatynyń polıtsııasy Devıd Ellıot:

Tabıǵı órt Sıdneı shetindegi úılerge qaýip tóndirip tur. Qalada jańa rekord tirkeldi. Eldegi meteony baqylaý tarıhynda keshegi tún qarashadaǵy eń ystyq tún retinde tirkeldi. Eki kún túnde qatarynan Sıdneıde temperatýra 39 gradýstan asyp ketti. Mundaı oqıǵa 1960 jyldan beri tirkelmepti.

Meteorologtar ystyq aýa raıy aldaǵy birneshe kúnde ketpeıdi dep otyr.


Foto/bbc.com


Avtor Jánibek Amangeldi
Basty sózder: Álem, Aýa raıy,
Joǵary qaraı