Sınoptıkter elorda men birneshe óńirde eskertý jarııalady

NUR-SULTAN. QazAqparat – «Qazgıdromet» RMK aýa raıynyń buzylýyna oraı 2 shildege birneshe óńirde eskertý jarııalady, dep habarlaıdy QazAqparat.

Atap aıtqanda, Nur-Sultan qalasynda kúndiz keı ýaqyttarda qatty jańbyr jaýyp, burshaq, naızaǵaı kútiledi. Soltústik-shyǵystan jel soǵady, ekpini - 15-20 m/s.

Jambyl oblysynyń keı jerlerinde naızaǵaı, daýyl kútiledi. 15-20 m/s kúshpen ońtústik-batys, batystan soqqan jeldiń ekpini 23-28 m/s artady. Al tańerteń jáne kúndiz oblystyń ońtústik-batysynda jyldamdyǵy 30 m/s jáne odan joǵary bolady.

Soltústik Qazaqstan oblysynyń basym bóliginde jańbyr jaýady. Keı jerlerde qatty jaýyn kútiledi. Sondaı-aq táýlik boıy naızaǵaı, daýyl, burshaq boljanady. Soltústikten jel soǵyp, kúndiz onyń kúshi 15-20 m/s artady.

Qaraǵandy oblysynda jańbyr bolady. Keı jerlerde qatty jańbyr jaýady. Sondaı-aq naızaǵaı, burshaq, daýyl kútiledi. 15-20 m/s ekpinmen soltústik-shyǵystan, shyǵystan jel soǵady. Jyldamdyǵy 23-28 m/s, keı ýaqyttarda 30 m/s jáne odan joǵary bolady.

Aqmola oblysynyń keı jerlerinde qatty jańbyr, naızaǵaı, daýyl, burshaq kútiledi. Soltústik-shyǵystan jel soǵady, keı jerlerde kúshi 15-20 m/s jetedi.

Qostanaı oblysynyń keı jerlerinde naızaǵaı, túnde jáne tańerteń

tuman kútiledi. Soltústikten jel soǵady, kúshi kúndiz 15-20 m/s artady.

Qyzylorda oblysynda naızaǵaı, daýyl, burshaq boljanady. Soltústik-batystan soqqan jeldiń kúshi 15-20, ekpini 23-28 m/s kúsheıedi.

Túrkistan oblysynda naızaǵaı kútiledi. Soltústik-batystan jel soǵady, keı jerlerde kúshi 15-20, kúndiz 23-28 m/s jetedi.

Shymkent qalasynda kúndiz naızaǵaı oınaıdy. Soltústik-batystan jel soǵady, ekpini 15-20 m/s.