Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sırııa boıynsha Astana protsesi eń tıimdi alań – Mıýnhen konferentsııasy

2020 jyldyń 15 aqpan 2020 21:43

MıÝNHEN. QazAqparat – Sırııa máselesi boıynsha Astana protsesi eń tıimdi alań bolyp tur. Bul týraly Mıýnhen qaýipsizdik konferentsııasynda Reseıdiń Syrtqy ister mınıstri Sergeı Lavrov málim etti, dep habarlaıdy QazAqparat tilshisi.

Konferentsııanyń aıasyndaǵy sessııa jumysyna qatysýshylar Reseı men Túrkııa arasyndaǵy qarym-qatynas týraly surady.

Óz kezeginde S. Lavrov eki arasyndaǵy qatynystar óte jaqsy deńgeıde ekenin atap ótti.

Budan keıin ol Sırııadaǵy qaqtyǵystardyń týyndaýy men osy daǵdarysty sheshýdiń mán-jaıyna jeke toqtaldy.

«Bul kúrdeli máseleniń túıinin sheshýde Astana protsesiniń orny erekshe. Osy oraıda óziniń elordasynda qolaıly alańdy usynǵany úshin Qazaqstanǵa shynaıy alǵysymyzdy aıtamyz. Astana protsesi jumysyn jaqsy bastady, sondaı-aq qazirgi ýaqytta da eń tıimdi alań bolyp tur», - dedi Sergeı Lavrov Mıýnhen qaýipsizdik konferentsııasynyń 56-shy otyrysynda.

Sonymen qatar, Reseıdiń Syrtqy ister mınıstri Astana protsesi Qaýipsizdik Keńesiniń qararyn ilgeriletýde BUU-ǵa qoldaý kórsetip kele jatqanyn atap ótti.

Budan buryn habarlanǵandaı, Sırııa boıynsha Astana protsesiniń 15-raýndy 2020 jyldyń naýryzynda ótedi. Bul jaıynda Astana protsesiniń kepilger elderi Iran, Reseı jáne Túrkııanyń birlesken málimdemesinde aıtylǵan.

Eske sala keteıik, Mıýnhen qaýipsizdik konferentsııasynyń tóraǵasy Volfgang Ishınger álem kóshbasshylaryn BUU-nyń bedelin nyǵaıtý isine belsendi atsalysýǵa shaqyrdy.


Joǵary qaraı