Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sırııa boıynsha Astana protsesiniń kezekti otyrysy tamyzda ótedi

2019 jyldyń 19 shilde 2019 12:41

NUR-SULTAN. QazAqparat – 2019 jylǵy 1-2 tamyzda Nur-Sultan qalasynda Sırııa boıynsha Astana protsesiniń joǵary deńgeıdegi 13-shi halyqaralyq kezdesý ótedi, dep habarlaıdy QazAqparat SІM silteme jasap.


Aldaǵy kezdesýde kepilger elderi, ıaǵnı Iran, Reseı jáne Túrkııa, sondaı-aq Sırııanyń úkimeti men qarýly oppozıtsııasy ókilderiniń qatysýy josparlanýda. Baqylaýshylar retinde BUU men Iordanııanyń, sondaı-aq Sırııadaǵy daǵdarysty retteý jónindegi Astana protsesine alǵashqy ret qatysatyn Iraqpen Lıvannyń joǵary deńgeıindegi ókilderi sırııaaralyq kelissózderge septigin tıgizedi.

Kezdesý Sırııadaǵy, ásirese Idlıb provıntsııasy men eldiń soltústik-shyǵysyndaǵy qazirgi ahýaldy talqylaýǵa, qaqtyǵysýshy taraptar arasyndaǵy senimdi nyǵaıtýǵa jáne saıası protsesti odan ári ilgeriletýge, sondaı-aq Sırııa boıynsha konstıtýtsııalyq komıtetti qurý jáne iske qosý boıynsha jumysty aıaqtaýǵa basa nazar aýdarady.

1 tamyzda ekijaqty jáne kópjaqty, sonyń ishinde Sırııanyń úkimeti men qarýly oppozıtsııasy ókilderiniń qatysýymen, aldyn-ala konsýltatsııalardyń ótkizilýi josparlanýda, al jalpy otyrys 2 tamyzda ótedi.

Basty sózder: QR SІM, Astana protsesi, Sırııa,
Joǵary qaraı