Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sırııaǵa gýmanıtarlyq kómekti arttyrý qajet - Astana protsesi

2019 jyldyń 2 tamyz 2019 16:12

NUR-SULTAN. QazAqparat - Astana protsesiniń qatysýshylary Sırııa aýmaǵyndaǵy barlyq halyqqa gýmanıtarlyq kómekti arttyrý qajettigin atap ótti, dep habarlaıdy QazAqparat tilshisi.

Bul týraly Sırııadaǵy daǵdarysty retteý jónindegi Astana protsesiniń 13-kezdesýinde kepil memleketter - Iran, Reseı jáne Túrkııanyń birlesken málimdemesinde aıtyldy.

«Sırııa aýmaǵyndaǵy barlyq sırııalyqtarǵa aldyn ala shartsyz gýmanıtarlyq kómekti arttyrý qajettigin atap óttik. Sırııadaǵy gýmanıtarlyq jaǵdaıdy jaqsartý jáne saıası retteý protsesin qoldaý maqsatynda halyqaralyq qaýymdastyqty, BUU men onyń gýmanıtarlyq agenttikterin Sırııaǵa kómekti arttyrýǵa shaqyrdyq. Onyń ishinde negizgi ınfraqurylym nysandaryn - sý jáne elektrmen qamtý, mektep, aýrýhanalardy tezirek qalpyna keltirý jáne gýmanıtarlyq mınasyzdandyrý jobalaryn júzege asyrýǵa mán bergen jón», - dedi QR Syrtqy ister mınıstriniń orynbasary Roman Vasılenko elordada Sırııa boıynsha kelissózderdiń 13-raýndynda kepil memleketterdiń birlesken málimdemesin oqý barysynda.

Resmı málimdemege sáıkes, aldaǵy ýaqytta Sırııaǵa gýmanıtarlyq kómek máseleleri boıynsha halyqaralyq konferentsııa ótýi múmkin.

Aıta keteıik, elordada Sırııadaǵy daǵdarysty retteý boıynsha Astana protsesiniń 13-shi halyqaralyq kezdesýi ótti. Jıyn Sırııadaǵy, ásirese Idlıb provıntsııasy men eldiń soltústik-shyǵysyndaǵy qazirgi ahýaldy talqylaýǵa, qaqtyǵysýshy taraptar arasyndaǵy senimdi nyǵaıtýǵa jáne saıası protsesti odan ári ilgeriletýge basa nazar aýdarady.


Joǵary qaraı