Aýa raıy
Astana -6 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

«SQ-Farmatsııa» qoımasynan shyqqan dáriler medıtsına uıymdaryna jetpeı qalǵan

2020 jyldyń 22 qazan 2020 20:10

AQTÓBE. QazAqparat – QR Sybaılas jemqorlyqqa qarsy is-qımyl agenttigi Aqtóbe oblysyndaǵy «SQ-Farmatsııa» qoımasynda birqatar buzýshylyqty anyqtady, dep habarlaıdy QazAqparat tilshisi.

«SQ-Farmatsııa» JShS-niń Aqtóbedegi qoımasy batys óńirindegi oblystar úshin mańyzdy nysan. Mundaǵy qoıma 4 oblysty qajetti dári-dármekpen qamtamasyz etýi tıis.

QR Sybaılas jemqorlyqqa qarsy is-qımyl agenttigi Seriktestik departamentiniń dırektory Rasýl Medetov jáne agenttik janyndaǵy Respýblıkalyq arnaıy monıtorıngilik top tóraǵasynyń orynbasary Rafael Gasanov óńirge jumys saparymen kelip, monıtorıng júrgizdi.

Tekserý kezinde «SQ-Farmatsııa» vırýsqa qarsy«Avıfavır» preparatynyń satyp alynýyna qatysty naqty málimet bere almady. Onymen qosa, «SQ-Farmatsııa» JShS-niń fılıal ókili Nurlan Jubanyshev kóptegen dári-dármek aýrýhanalarǵa jetkizilip qoıǵanyn aıtqanymen, sońǵy partııalar qaıda jáne qandaı mólsherde jetkizilgeni týraly suraqqa jaýap berýden qınalǵan.

Osydan keıin batystyń 4 óńiri – Aqtóbe, Batys Qazaqstan, Atyraý jáne Mańǵystaý oblystaryna qajetti eki aılyq dári qorynyń jasaqtalǵanynan qatysty kúmán týyndaǵan.

«Jumys toby aldymen Aqtóbe medıtsına ortalyǵyna bardy. Medıtsına ortalyǵynyń qoımasyn kórip, dári-dármek qorynyń jaǵdaıymen tanysty. Negizinen «SQ – Farmatsııa» seriktestiginen satyp alǵan 37 túrli dári barlyq aýrýhananyń qoımasynda bolýy qajet. Alaıda, monıtorıng barysynda medıtsına ortalyǵynyń qoımasynda 8 túrli dári tabylmady. Atap aıtsak, Tseftazıdım, Imıpınem, Famotıdın, Magnııa sýlfat, Ibýprofen, Totsılızýmab, Hloropıramın, moksıfloksatsın «, - dedi «Aqtóbe – adaldyq alańy» jobalyq keńsesiniń baspasóz qyzmetinen.

Al Oblystyq ınfektsııalyq aýrýhanasynyń dáriler qoımasynan 37 ataýdyń 6 túri anyqtalmady. Naqtyraq aıtqanda, Nadroparın, Famotıdın, Dopamın, Amoksıtsıllın, Enoksaparın, Totsılızýmab.

Aqtóbe oblystyq ftızıopýlmonologııa ortalyǵynyń qoımasynda 37 ataýdyń 2 túri joq bolyp shyqty. Olar: Remdesıvır jáne Totsılızýmab preparattary.

Qarǵaly qalalyq aýrýhanasynyń qoımasynda dári-dármekterdiń 9 túri joq. Olar: Tsefýroksım, Imıpenem-Tsılastatın, Nadroparın, Hloropıramın, Vankomıtsın, Deksmedetomıdın, Moksıfloksatsın, Remdesıvır, Totsılızýmab.

Aıta keteıik, bıylǵy 19 qazanda QR Sybaılas jemqorlyqqa qarsy is-qımyl agenttiginde ótken apparat keńesinde «SQ-Farmatsııa» Basqarma tóraǵasy Erhat Esqalıev koronavırýstyń ekinshi tolqynyna tolyq daıyn ekendikterin jáne qajetti dári-dármekterdiń eki aılyq qory jasaqtalǵanyn málim etken bolatyn. E.Esqalıev óz sózinde 5,9 mlrd teńgege 37 túrli ataý boıynsha dári-dármek satyp alynǵanyn aıtty. Dál sol jıynda Sybaılas jemqorlyqqa qarsy qyzmettiń basshysy Alık Shpekbaev Prezıdent Qasym-Jomart Toqaevtyń tapsyrmasy boıynsha koronavırýstyń ekinshi tolqynyna daıyndyq dárejesin anyqtaýǵa baǵyttalǵan qoǵamdyq baqylaý júrgiziletindigin jetkizgen edi.

«Eske salaıyq, koronavırýstyń alǵashqy tolqyny kezinde Antıkor qyzmetkerleri qoǵam belsendilerimen birge 2500-den astam dárihanada Covid-19-ǵa qarsy dári-dármekterdiń bolýyn jáne osy dárilerdiń baǵalarynyń shekti baǵadan aspaýyn tekserdi. 400-ge jýyq qoımada monıtorıng júrgizildi, sonymen qatar «SQ-Farmatsııanyń» Nur-Sultan, Almaty, Aqtóbe jáne Shymkent qalalaryndaǵy 4 negizgi haby tekserildi», - delingen habarlamada.








Joǵary qaraı