Aýa raıy
Astana -17 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

«SQ-Farmatsııa» tenderlik rásimderdi tolyǵymen avtomattandyrmaq

2020 jyldyń 20 qazan 2020 12:24

NUR-SULTAN. QazAqparat – Sybaılas jemqorlyqqa qarsy is-qımyl agenttigi «SQ-Farmatsııa» kompanııasy qyzmetiniń «qaıta júkteý» baǵdarlamasyn birlese júzege asyrýǵa atsalysýda, dep habarlaıdy QazAqparat tilshisi.

«SQ-Farmatsııa» JShS basqarma tóraǵasy Erhat Esqalıev Sybaılas jemqorlyqqa qarsy qyzmettiń apparattyq keńesinde sybaılas jemqorlyq qaýpin taldaý qorytyndylary boıynsha usynymdardy oryndaýdyń aralyq nátıjeleri týraly baıandaǵan. Kompanııa COVID-19 pandemııa jaǵdaıynda medıtsınalyq uıymdardy dári-dármekpen jáne medıtsınalyq buıymdarmen qamtamasyz etý tıimdiligin arttyrý úshin «qaıta júkteý» baǵdarlamasyn iske asyrýda.

«Atap aıtqanda, Antıkor taldaý aıasynda josparlaý júıesiniń jetilmegendigine, adamı faktordyń satyp alý júıesine yqpalyna, uzaq merzimdi jetkizý sharttaryn iske asyrý kezindegi táýekelderge, logıstıka júıesindegi kemshilikterge, gýmanıtarlyq kómek alý jáne bólý tetiginiń jetilmegendigine, ishki baqylaý tetigindegi olqylyqtarǵa, kadr saıasatyndaǵy táýekelderge jáne joǵary ákimshilik shyǵyndarǵa nazar aýdardy. Anyqtalǵan jemqorlyq táýekelderin joıý jónindegi is-sharalar jospary azamattyq qoǵamnyń 20-dan astam ókiliniń qatysýymen iske asyrylýda. Satyp alýdy jetildirý bóligindegi negizgi basymdyq olardyń elektrondyq formatqa tolyq kóshýine, sondaı-aq tenderlik rásimderdi avtomattandyrýǵa baǵyttalǵan. Atap aıtqanda, olardy ótkizý merzimin 45 kúnnen 25 kúnge deıin azaıtý jáne áleýetti jetkizýshiler usynatyn tenderlik qujattamanyń sanyn 15-ten 2-ge deıin qysqartý josparlanýda», - dep habarlaıdy Sybaılas jemqorlyqqa qarsy qyzmetten.

Jeke baǵyt – kompanııanyń aqparattyq júıelerin emdeý shemalary boıynsha Densaýlyq saqtaý mınıstrliginiń júıelerimen biriktirý. Bul – josparlaý tártibin jáne óńirlerdi dári-dármektermen qamtamasyz etýdi arttyrady.

Azamattardyń syn-eskertpelerin eskere otyryp, orfandyq aýrýlar boıynsha (mysaly, mýkovıstsıdoz) dárilerdi satyp alý máselelerin sheshý joldary pysyqtalýda. Sondaı-aq dári-dármekti satýda kontrafaktini boldyrmaý maqsatynda «Qazaqtelekom» AQ-men birlesip dári-dármekter men medıtsınalyq buıymdardy tańbalaýdyń jáne baqylaýdyń pılottyq jobasyn iske asyrý boıynsha is-sharalar júrgizilip jatyr.

Aıta keterligi pandemııanyń ekinshi tolqynyna daıyndyq aıasynda SQ-Farmatsııa 5,96 mlrd teńgege 37 dári-dármek túrin satyp alǵan. Statsıonarlarǵa jalpy quny 18,1 mlrd teńge bolatyn 91 túrli dári-dármek jetkizildi. 10 mln maska, onyń ishinde 392 mln teńgege 500 myń balalar maskasy satyp alynǵan.



Joǵary qaraı