Aýa raıy
Astana -22 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

SQO aýdandaryna 8 jyljymaly medıtsınalyq keshen alyndy

2020 jyldyń 28 qazan 2020 21:33

PETROPAVL. QazAqparat – Soltústik Qazaqstan oblysyna búgin zamanaýı jaraqtandyrylǵan 8 jyljymaly medıtsınalyq keshen jetkizildi, dep habarlaıdy QazAqparat tilshisi.

«Jyljymaly aýrýhanada» jeti arnaıy kabınet bar. Dárigerler qabyldaý ótkizip, analızder qabyldaıdy. Aýyldyqtar ÝZI men EKG-dan óte alady. Keshende flıýorografııadan ótý úshin rentgen apparat ornatylǵan. Akýsher-gınekolog kabıneti men dárihana pýnkti de bar.

«Bul keshender 8 aýdandyq ortalyq aýrýhanaǵa jóneltiledi. Bul arnaıy jaraqtandyrylǵan avtobýstar medıtsınalyq kómekti, medıtsınalyq dıagnostıkany aýyl turǵyndaryna qoljetimdi etedi. Aýdan ortalyǵynan 100-200 km shaqyrym jerde ornalasqan aýyldar da bar. Sol sebepti turǵyndardy rentgennen, ÝZI apparattarynan ótkizip, jalpy qan taldamasyn jasatý qıyn. Keste qurylyp, bul avtobýstar tirek aýyldarǵa baryp halyqty tekseristen ótkizedi. Bul keshenderdiń burynǵylarynan birneshe artyqshylyǵy bar. Tipti múgedekterge arnaıy jabdyqtalǵan kirý esigi bar. Halyqqa bul qyzmet mindetti áleýmettik medıtsınalyq saqtandyrý aıasynda tegin kórsetiledi», - dedi SQO Densaýlyq saqtaý basqarmasy bastyǵynyń orynbasary Nurlan Aımanov.





Zamanaýı keshenderdiń arqasynda dárigerler aýyl-aýyldy aralap, skrınıng jasaıdy. Nátıjesinde turǵyndar arasynda aýrýlardy alǵashqy satysynda anyqtaý múmkin bolmaq.

«Aýyl turǵyndaryna medıtsınalyq kómek jetpek. Óıtken alys aýyldardaǵy turǵyndar kóp jaǵdaıda joldyń shalǵaılyǵynan, jumysbastylyqtan shyǵa almaı jatady. Jalpy, densaýlyq saqtaý salasynda materıaldyq tehnıkalyq bazamyz kóktemnen beri biraz jaqsardy. Qazir koronavırýstyń ekinshi tolqynyna daıyndalyp jatyrmyz. Kelesi aptada biz jańa ınfektsııalyq aýrýhanany paıdalanýǵa beremiz. 5 ottegi stansasy qosylady. ıAǵnı dárigerler burynǵydaı ottegi ballondaryn tasymaıdy, ottegi ortalyqtan beriletin bolady. Qazir dári-dármektiń emdeý mekemelerinde eki aılyq, dárihanalarda bir aılyq qory bar. 232 ókpeni jasandy jeldetý apparaty bolsa, jyl sońyna deıin taǵy 100-i alynady. Ottegi kontsentratorlary da 362-ge jetti. Biz daıynbyz, biraq degenmen de oblys turǵyndary saqtyq sharalaryn umytpaǵany jón. Mindetti túrde sanıtarııalyq talaptardy oryndaý qajet», - deıdi oblys ákimi Qumar Aqsaqalov.











Joǵary qaraı