SQO: Aıaz býyp tur, joldar jabylady
PETROPAVL. QazAqparat – Soltústik Qazaqstan oblysynda qatty aıazǵa baılanysty oblystyq mańyzdaǵy joldar jabylady, dep habarlaıdy QazAqparat tilshisi.
SQO tótenshe jaǵdaılar departamenti baspasóz qyzmetiniń málimetinshe, oblystyq mańyzy bar joldar barlyq avtokólik túrleri úshin búgin saǵat 18.00-den bastap jabylady. Oǵan qatty aıaz sebep. Búgin óńirde synap baǵanasy mınýs 35 - 40 gradýsqa aralyǵynda kórsetip tur.
Osyǵan baılanysty qutqarýshylar eldi meken aýmaǵynan avtokólikpen shyǵýdyń qaýipti ekenin eskertýde.
