Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da 1 myńnan astam energetık vaktsınatsııanyń tolyq kýrsynan ótti

2021 jyldyń 30 shilde 2021 22:08

PETROPAVL. QazAqparat – Soltústik Qazaqstan oblysynda eki myńnan astam qyzmetkeri bar kásiporynnyń 70 paıyzǵa jýyǵy koronavırýsqa qarsy ekpe aldy, dep habarlaıdy QazAqparat tilshisi.

«SEVKAZENERGO» AQ baspasóz qyzmetiniń málimetinshe, kompanııalar tobyna «SEVKAZENERGO», «Soltúsik Qazaqstan elektr jelilerin taratý kompanııasy» AQ, «Petropavl jylý jelileri», «Sevkazenergosbyt» JShS jáne Petropavl jylý-elektr ortalyǵy kiredi.

Kompanııalardyń basshylyǵy sáýir aıynda qyzmetkerlerimen vaktsınatsııadan ótýge sheshim qabyldady. Óıtkeni ujymdyq ımmýnıtet qalyptastyrý úshin árqaısysynyń ekpe alǵany mańyzdy.

«SEVKAZENERGO» AQ qaraıtyn kásiporyndarda 2 myńnan astam eńbek etedi. Búginde ujymnyń 69 %-y ekpe aldy. Ómir súrýdi qamtamasyz etetin kásiporyn bolǵandyqtan ár qyzmetkerdiń densaýlyǵy mańyzdy. Sol sebepti olar aýyrmaýy úshin jumys ornynda barlyq jaǵdaıdy jasaýǵa tyrysamyz. Vaktsınatsııa alýdy da biz ujym bolyp sheshtik. Árıne vaktsınany qoıǵyzý-qoıǵyzbaý árkimniń óz erki, densaýlyǵyna qaraıdy, dárigerdiń usynysyn eskeredi. Men ózim alǵashqylardyń biri bolyp ekpe aldym, ol úshin ókinbeımin. Óıtkeni men qaýipti vırýsty endi týǵan-týystaryma juqtyrmaıtynymdy bilemin»», - deıdi «SEVKAZENERGO» AQ qaýipsizdik jáne eńbekti qorǵaý basqarmasynyń bastyǵy Oksana Polyn.

«SEVKAZENERGO» AQ – rejımdi nysan. Oǵan syrttan kelgen adamdy kirgize qoımaıdy.

Alaıda kásiporyn basshylyǵy qyzmetkerlerge yńǵaıly bolýy úshin emhanadan mobıldi ekpe pýnktin shaqyrdy.




Medıtsına qyzmetkerleri sáýir aıynan bastap aptanyń belgili bir kúni jumys ornyna kelip, qyzmetkerlerdi vaktsınatsııadan ótkizip jatyr.

Olar bir kelgende 30-dan 100 adamǵa deıin ekpe salady.

«Men «Spýtnık V» vaktsınasyn qoıǵyzdym. Ekpe alýdaǵy birinshi sebep – jaqyndarymdy qaýipti vırýstan qorǵaý. Sondaı-aq vaktsına alǵandar jumysyn esh alańsyz isteıdi, qoǵamdyq tamaqtaný oryndaryna, mádenı nysandarǵa qaýiptenbeı bara alady», - deıdi kásiporyn qyzmetkeri Olga Sıbagatýllına.

SQO kásipkerler palatasy dırektorynyń orynbasary Marat Isqakovtyń aıtýynsha, óńirde ujymdyq ımmýnıtet qalyptastyrýdyń mańyzyn túsinip, qoldaý kórsetken kásiporyndar jeterlik.




«SEVKAZENERGO» AQ kásiporyndarynan basqa «Osnovanıe», «Radýga», «Bogatyrskıı prodýkt», «Bars Nord» JShS-teri, Ońtústik Oral temirjolynyń Petropavl bólimshesi jáne basqa da shaǵyn jáne orta bıznes ókilderi belsendi túrde vaktsınatsııadan ótip jatyr. Bul kompanııalar kóktemde-aq óz qyzmetkerlerin vaktsınatsııadan ótkizý úshin tapsyrys berdi. Sol kezde biz oblystyq sanıtarııalyq-epıdemıologııalyq baqylaý departamentimen, densaýlyq saqtaý basqarmasymen mobıldi ekpe pýnktterin kásiporyndarǵa jiberý máselesin qarastyrǵan edik. Dárigerler bizdiń ótinishimizdi aıaqsyz qaldyrmaı, mobıldi pýnktterdi bóldi», - deıdi Marat Isqakov.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, búginde oblys boıynsha 194 164 soltústikqazaqstandyq ınfektsııaǵa qarsy ekpeniń birinshi komponentin alsa, 138 705 turǵyn vaktsınatsııanyń tolyq kýrsynan ótken.


Joǵary qaraı