Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da 150 jasóspirim polıtseılerdiń esebinde tur

2022 jyldyń 24 qańtar 2022 22:40

PETROPAVL. QazAqparat – Soltústik Qazaqstan oblysynda byltyr jasóspirimder arasynda 2 myńnan astam quqyqbuzýshylyq tirkelgen, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, byltyr jasóspirimderge qatysty problemalyq otbasylarǵa jáne oıyn-saýyq oryndaryna myńǵa jýyq reıd ótkizilgen. Budan basqa turaqty túrde balalarmen áńgimelesý, onlaın-konferentsııalar uıymdastyrylyp turady. ıÝvenaldy polıtseılermen birge túngi reıdterge bilim berý, densaýlyq saqtaý organdarynyń ókilderi, krımınaldyq polıtsııa jáne esirtki qylmysyna qarsy is-qımyl bólimsheleriniń qyzmetkerleri qatysady.

Nátıjesinde, 2021 jyldyń qorytyndysy boıynsha kámeletke tolmaǵandardyń túngi ýaqytta oıyn-saýyq oryndarynda jáne turǵyn úıden tys jerde bolǵany úshin olardyń 2373 zańdy ókili ákimshilik jaýapqa tartyldy. Sondaı-aq túnde kóńil kóterý oryndaryna balalardy kirgizgeni úshin 27 kásipkerge aıyppul salyndy. Kámelet jasyna tolmaǵandarǵa alkogol jáne temeki ónimderin zańnamany buza otyryp satqany úshin 133 dúkenniń ıesi jazalandy.

SQO PD jergilikti polıtsııa qyzmeti basqarmasynyń bastyǵy Aıdyn Baımatovtyń aıtýynsha, jasóspirimderdiń qaýipsizdigin qamtamasyz etý ıývenaldy polıtsııa ınspektorlarynyń basty mindeti. Bul jumys tek polıtsııa men muǵalimderden ǵana emes, sonymen qatar balalardyń ata-analary tarapynan da belgili bir kúsh-jigerdi qajet etedi. Qazirgi ýaqytta polıtseılerdiń esebine 150 jasóspirim salynǵan, olarmen quqyq buzýshylyqtardyń aldyn alý boıynsha jumystar júrgiziledi. Sondaı-aq 315 qolaısyz ata-ana esepte tur. Bul jumystyń basty maqsaty - balalar men jasóspirimderdiń qaýipsizdigin qamtamasyz etý, olardyń tarapynan jáne olarǵa qatysty qylmystardyń jasalýyna jol bermeý.


Joǵary qaraı