Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da 1600-ge jýyq adam Pfizer vaktsınasymen egildi

2021 jyldyń 26 qarasha 2021 15:30

PETROPAVL. QazAqparat – Soltústik Qazaqstan oblysynda 1600-ge jýyq adam Pfizer vaktsınasyn qoıdyrdy, taǵy myńǵa jýyq turǵyn revaktsınatsııadan ótti, dep habarlaıdy QazAqparat tilshisi.

Óńirlik kommýnıkatsııalar qyzmetinde ótken brıfıngide mamandar SQO-da vaktsınatsııa naýqanynyń ótý barysy jaıynda aqparat berdi.

«Oblysta vaktsına jetkilikti. Preparattyń 340 myń doza birinshi komponenti, 339 myń doza ekinshi komponenti jetkizildi. Qazirgi ýaqytta birinshi komponentpen 260 226 adam egildi, tolyq kýrstan 243 144 adam ótti. Osylaısha jospar 65,6 % oryndaldy.

Budan basqa oblysta 17 qarashadan bastap jasóspirimder, júkti jáne emizýli balasy bar áıelder vaktsına alyp jatyr. 1576 adam búginge deıin qoıǵyzdy. Onyń ishinde 1149 jasóspirim, 371 bala emizetin jáne 47 júkti áıel. Olardyń eshqaısysy vaktsına qoıdyrǵannan keıin densaýlyǵyna shaǵym túsirgen joq», - deıdi SQO densaýlyq saqtaý basqarmasy basshysynyń mindetin atqarýshy Nurlan Aımanov.

Oblysta Pfizer vaktsınasy jetkilikti, 35 myń dozasy bar.

«Balalar aýyrady, biraq, kóbine jeńil, belgilerisiz ótedi. Biraq qatty aýyrǵandar da bar. Qazirgi ýaqytta jańa týǵan bir sábıimiz bar, onda PTR-test oń bolyp keldi. Ókpesi qabynǵan, jaǵdaıy aýyr. Budan basqa statsıonarda 8 bala em alyp jatyr, jaǵdaılary ortasha.

655 júkti áıel ınfektsııalyq statsıonarlarǵa jatyp shyqty. Olardyń 203-inde pnevmonııa boldy. 51-ine ókpeni jasandy jeldetý apparatyn qosýǵa týra keldi, ıaǵnı ómir men ólim arasynda jatty. Bireýi, ókinishke oraı, qaıtys boldy. Taǵy bir 90 % ókpesi qabynǵan áıeldi aman alyp qaldyq.

Sondyqtan ata-analardy balalaryna jáne júkti, bala emizetin áıelderdi vaktsına qoıdyrýǵa shaqyramyn. Al vaktsına alǵysy kelmegender ózderine ǵana jaýap bersin, olarǵa eshkim kúshpen ekpe qoımaıdy. Mundaılar jalǵan aqparat taratyp, basqalardy shatastyrmasa eken», - deıdi Nurlan Aımanov.

SQO-da 978 adam revaktsınatsııadan ótse, 90 myń adam tumaýǵa qarsy ekpe aldy. Bul barlyq turǵyndardyń 16,6 %. Mamandardyń aıtýynsha, bul jaqsy kórsetkish. Alaıda, saqtyq sharalaryn ustaný qajet.

«Oblysta jedel respıratorlyq-vırýstyq ınfektsııany juqtyrýshylar ótken jylmen salystyrǵanda 1,4 ese ósken. Respýblıkanyń basqa aımaqtarynda tumaýdyń 94 jaǵdaıy anyqtaldy. Sondyqan maskany durys kııýdi umytpańyzdar, qarapaıym erejelerdi saqtańyzdar, buqaralyq is-sharalarǵa barmańyzdar jáne uıymdastyrmańyzdar, áleýmettik qashyqtyqty saqtap, áleýmettik baılanystar sanyn azaıtyńyzdar», - deıdi SQO sanıtarııalyq-epıdemıologııalyq baqylaý departamentiniń basshysy Áset Jumataev.


Joǵary qaraı