Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da 37 bilim ordasy senimgerlik basqarýǵa berildi

2021 jyldyń 30 shilde 2021 04:21

PETROPAVL. QazAqparat – Soltústik Qazaqstan oblysynda 670,4 mln teńge ınvestıtsııa quıý arqyly 37 bilim ordasy senimgerlik basqarýǵa berildi, dep habarlaıdy QazAqparat tilshisi.

SQO bilim basqaramasy baspasóz qyzmetiniń málimetinshe, 2019 jyldan beri memlekettik-jekeshelik áriptestik aıasynda 37 joba júzege asyryldy. Nátıjesinde bilim ordalaryna 670,4 mln teńge ınvestıtsııa quıyldy. Sonyń ishinde senimgerlik basqarýǵa berilgen úlken nysandardyń biri – Peterfeld orta mektebi. Bilim berý mekemesi jobaǵa byltyr qosyldy. Nátıjesinde mektepke konkýrstan bólek 249,5 mln teńge ınvestıtsııa quıylyp, materıaldyq-tehnıkalyq bazasyn, kúrdeli jóndeýge 300 mln teńgeden astam qarjy jumsaldy.

Naýryzda Beskól orta mektebi-gımnazııasy da senimgerlik basqarýǵa berildi. Joba quny 300 mln teńge, bilim ordasy 10 jyldyń ishinde jónge keltirilýi qajet.

Mektep ǵımaraty 1967 jyly salynǵan. Byltyr 900-ge jýyq oqýshysy boldy.

«Orta jáne kásibı bilim beretin aralas oqý orny bolyp qaıta qurylady. Investıtsııa tartýdan bólek memleket zamanaýı jańǵyrtylǵan bilim ordasyn alady. Bilim berý baǵdarlamasyna jańa tehnologııalardy engizý, oqý kabınetterin zamanaýı zerthanalyq keshendermen jabdyqtaý jáne muǵalimderdiń kásibı biliktiligin arttyrý kózdelgen. Sondaı-aq qosymsha 10 jumys ornyn ashý josparlanǵan», - deıdi SQO bilim basqarmasynyń baspasóz hatshysy Ásel Orazbaeva.




Memlekettik-jekeshelik áriptestik jobasy aıasynda Petropavldaǵy Kopaı aýdanynda quny 4,5 mlrd teńge bolatyn 1200 balaǵa shaqtalǵan mekteptiń qurylysy josparlanǵan. Qazirgi ýaqytta konkýrstyq qujattary ázirlenip, daıyndyq júrgizilip jatyr.

Sondaı-aq jeke ınvestorlardan taǵy 5 mektepti senimgerlik basqarýǵa alýǵa ótinish tústi, tıisti jumystar atqarylyp jatyr.

Buǵan deıin SQO-da memlekettik-jekeshelik áriptestik aıasynda 42 jobanyń júzege asqanyn aıtqan edik.



Joǵary qaraı