Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da 600 kásipkerdiń quqyǵy qorǵaldy - prokýratýra

2022 jyldyń 24 mamyr 2022 22:31

PETROPAVL. QazAqparat – Soltústik Qazaqstan oblysy janyndaǵy qoǵamdyq keńeste jyl bastalǵaly kásipkerlerge qatysty 8 másele kóterilip, 6-y oń sheshildi. Jalpy 600-den astam kásipkerdiń quqyǵy qorǵaldy, dep habarlaıdy QazAqparat tilshisi.

SQO prokýratýrasy baspasóz qyzmetiniń málimetinshe, prokýratýra organdary bıznes sýbektileriniń quqyqtaryn qorǵaý boıynsha turaqty túrde jumys júrgizedi, sebebi bul vedomstvo jumysyndaǵy basym baǵyttardyń biri.

«Memleket basshysy óziniń Joldaýynda kásipkerlerdiń qyzmetine kez-kelgen zańsyz aralasý, bıznesmenderdiń jumysyna kedergi keltirý, memleketke jasalǵan aýyr qylmys retinde qabyldanady dep atap ótti. Osyǵan oraı kásipkerler palatasymen jáne bıznes sýbektileriniń qatysýymen turaqty negizde oblys prokýrory janyndaǵy qoǵamdyq keńestiń otyrysy ótkizilip keledi. Kezdesýde kásipkerlerdiń quqyqtaryn qorǵaý boıynsha qurylǵan mobıldik toptyń senim telefonyna túsken shaǵymdar men ótinishter qaralady», - deıdi óńir prokýrorlary.

Byltyr keńestiń 12 otyrysy ótip, onda 16 másele kóterilgen. Olardyń bári sheshimin tapty. Bıyl keńestiń 4 otyrysy ótip, 8 másele qaralǵan. Onyń altaýy sheshildi, qalǵany boıynsha jumys júrgizilip jatyr.

Oblys prokýratýrasynda kásipkerlerdiń quqyqtaryn qorǵaý boıynsha táýlik boıy áreket etetin mobıldik top bar, ol óńirlik kásipkerler palatasymen birlese otyra bıznes sýbektilerinen túsken ótinishterdi qaraıdy. Mobıldik toptyń telefondary prokýratýra organdarynyń, jergilikti atqarýshy organdardyń saıtynda, buqaralyq aqparat quraldarynda, áleýmettik jelilerde ornalastyrylǵan. WhatsApp messendjerinde qaýyrt jeli jumys isteıdi.

Byltyr mobıldik toptyń qaýyrt jelisine kásipkerlerden 79 shaǵym túsken, onyń 33-i ǵana dáleldendi, 14-i boıynsha túsinikteme berildi. Nátıjesinde zań buzýshylyqtarǵa qatysty prokýrorlar 24 usynys engizip, 15 tulǵa tártiptik jaýapkershilikke tartyldy. 6 zańsyz tekserýdiń nátıjesi joıyldy, josparlanǵan 7 tekserý zańsyz dep tanyldy. Nátıjesinde 4 myń bıznes sýbektisiniń quqyǵy qorǵaldy.

Bıyl kásipkerlerdiń quqyǵyn buzýǵa qatysty 16 tulǵa jaýapkershilikke tartyldy. 1,3 mln teńgeden astam somaǵa qozǵalǵan ákimshilik quqyq buzýshylyq týraly 3 is qysqartyldy. Nátıjesinde 600-den astam bıznes sýbektisiniń quqyǵy qorǵaldy.


Joǵary qaraı