Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da 771 soǵys ardageri ishki ister organdarynda qyzmet atqarǵan

2021 jyldyń 8 mamyr 2021 05:47

PETROPAVL. QazAqparat – Petropavlda 100 jastaǵy Ekinshi dúnıejúzilik soǵysynyń ardageri Nıkıta Semenov polıtsııanyń jas ofıtserlerimen kezdesti, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, Ekinshi dúnıejúzilik soǵysyndaǵy Jeńistiń 76 jyldyǵy jáne Otan qorǵaýshylar kúni qarsańynda departament mýzeıinde «Erlik sabaǵy» ótti. Іs-sharaǵa polıtsııanyń jıyrma jas qyzmetkeri qatysty.

Jas ofıtserlermen kezdesýge Ekinshi dúnıejúzilik soǵysynyń ardageri Nıkıta Gerasımovıch Semenov, sondaı-aq tyl eńbekkerleri Vladımır Terentevıch Ippolıtov pen Valentına Ivanovna Volkova keldi. Olardyń árqaısysy soǵystyń taýqymetin bastan keshirgen jáne beıbit ómirde ishki ister organdarynda qyzmet etken.

Maıdanger Nıkıta Semenov jınalǵandarmen óziniń estelikterimen bólisti. Soǵysta Nıkıta Gerasımovıch mergen bolǵan. Elge kelgesin ol 20 jyldan astam ýaqyt mılıtsııada eńbek etti.

Іs-shara barysynda SQO PD mádenıet ortalyǵy áskerı taqyryptaǵy ánder shyrqady. Shaqyrylǵan qonaqtarǵa syılyqtar tabys etildi. Sonymen qatar, Ekinshi dúnıejúzilik soǵysynyń soltústikqazaqstandyq ardagerleri týraly fılmi kórsetildi.

Ekinshi dúnıejúzilik soǵysynda bolǵan 771 maıdanger beıbit ómir týysymen SQO-nyń ishki ister organdarynda eńbek etti. Búginde olardyń ekeýiniń ǵana kózi tiri. Uly Jeńistiń 76 jyldyǵyn Nıkıta Gerasımovıch Semenov pen Grıgorıı Ivanovıch Krasılnıkov atap ótedi. Meıramda jyldaǵy dástúr boıynsha olardyń árqaısysyn SQO PD bastyǵy Marat Tólebaev ózi baryp, quttyqtaıdy.


Joǵary qaraı