Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da abattandyrý erejesin buzýǵa qatysty 3 myńnan astam derek tirkeldi

2021 jyldyń 23 qyrkúıek 2021 09:32

PETROPAVL. QazAqparat – Soltústik Qazaqstan oblysynda bıyl abattandyrý erejesin buzýdyń 3 myńnan astam deregi tirkelse, sonyń 27-sinde ǵana aıyppul salynǵan, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, jergilikti polıtsııa qyzmetiniń bir mindeti - abattandyrý erejeleriniń saqtalýyn baqylaý. Al irgeles aýmaqtarda tazalyqty saqtaý menshik ıeleriniń mindetine kiredi. Abattandyrý erejelerine sáıkes zańdy jáne jeke tulǵalar barlyq aýmaqta tazalyq pen tártipti saqtap, joldar, trotýarlar, kógaldar, shaǵyn sáýlet nysandary, jaryqtandyrýdyń búlinýine jáne buzylýyna jol bermeýi tıis. Sonymen qatar, menshik ıeleri ǵımarattardyń qasbetterine de jaýapty. Ýchaskelik ınspektorlar tekserý kezinde bul mindetter týraly óńir turǵyndary men uıymdardy eskertedi.

Reıd barysynda Petropavlda ornalasqan jaýapkershiligi shekteýli seriktestikterdiń birinde birqatar tártip buzýshylyqtar anyqtaldy. Aýmaq tazartylmaǵan, ǵımarattyń qasbeti eskirgen. Birinshi joly eskertildi, alaıda qaıta tekserý kezinde eshqandaı kemshiliktiń joıylmaǵany anyqtaldy. Jaýapty tulǵaǵa QR Ákimshilik quqyq buzýshylyq týraly kodeksiniń 505-baby «Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý» boıynsha aıyppul salyndy.

«Bul bap boıynsha jeke tulǵalarǵa – 20, shaǵyn kásipkerlik sýbektilerine nemese kommertsııalyq emes uıymdarǵa – 30, orta kásipkerlik sýbektilerine – 40, iri kásipkerlik sýbektilerine 100 AEK mólsherinde aıyppul salynady. Alaıda aıyppul óreskel, ne qaıtalanǵan quqyq buzýshylyqtar kezinde ǵana qoldanylady. Mysaly, 8 aıdyń qorytyndysy boıynsha oblysta abattandyrý erejelerin buzýdyń 3213 jaǵdaıy tirkeldi, onyń ishinde 27 jaǵdaıda ǵana aıyppul salyndy. Qalǵan tártip buzýshylarǵa eskertý jasaldy. Tájirıbe kórsetkendeı, ádette bul shara jetkilikti», - deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.


Joǵary qaraı