Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da «Ata joly» ádisin ustanǵan «emshi» jaýapkershilikke tartyldy

2021 jyldyń 21 qyrkúıek 2021 22:54

PETROPAVL. QazAqparat – Soltústik Qazaqstan oblysynda polıtseıler elimizde tyıym salynǵan «Ata joly» aǵymynyń ádisi boıynsha jurtty «emdegen» áıeldi ustady, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, ekstremızmge qarsy is-qımyl basqarmasynyń qyzmetkerleri jedel is-shara barysynda tyıym salynǵan «Ata joly» kýlttik-mıstıkalyq aǵymnyń ádisi boıynsha «emshilikpen» aınalysyp, adamdardyń densaýlyǵyna qaýip tóndirgen Qyzyljar aýdany turǵynyn ustady. Quqyq buzýshyǵa qatysty QR Ákimshilik quqyq buzýshylyq týraly kodeksiniń 489-baby 10-bóligi «Qazaqstan Respýblıkasynyń qoǵamdyq birlestikter týraly zańnamasyn buzý, sondaı-aq Qazaqstan Respýblıkasynyń zańnamasynda belgilengen tártippen tirkelmegen qoǵamdyq, dinı birlestikterdiń qyzmetine basshylyq jasaý, qatysý, olardyń qyzmetin qarjylandyrý» boıynsha hattama toltyryldy.

«Jalpy jyl basynan oblysta QR dinı zańnamasyn buzýdyń 16 deregi tirkeldi. Jıi kezdesetin quqyq buzýshylyqtar ınternette dinı materıaldardy jarııalaýǵa qatysty. Munymen kúresý úshin basqarma qyzmetkerleri profılaktıkalyq jumys júrgizedii. Bilim berý mekemeleriniń oqýshylarymen, uıymdardyń eńbek ujymdarymen kezdesý kezinde zańnama talaptary, ekstremıstik aǵymdardyń tarapynan bolatyn qaýpi týraly aıtylady. Turǵyndardan zańnama talaptaryn qatań saqtaýdy suraımyz», - deıdi SQO PD EQІQB bastyǵy Rýslan Jarasbaev.


Joǵary qaraı