Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da aýdan ortalyǵynyń turǵyndary karantınge qaramastan toı ótkizgen

2020 jyldyń 5 tamyz 2020 19:23

PETROPAVL. QazAqparat – Soltústik Qazaqstan oblysy Beskól aýylyndaǵy kottedjderdiń birinde toı ótip jatqany týraly polıtsııaǵa turǵyndar habar berdi, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, Beskól aýylynyń turǵyndary 102 qyzmetine habarlasyp, kottedjderdiń biriniń mańynda birneshe kóliktiń turǵanyn jáne adamdardyń kóp jınalǵanyn aıtqan.

Aqparatty tekserý úshin oqıǵa ornyna avtopatrýl baryp, shynymen de jıyn bolyp jatqanyna kóz jetkizdi. Qyzyljar aýdany polıtsııa bólimi bastyǵynyń mindetin atqarýshy Jánibek Muhamadıev bul jóninde reıdte júrgen ákimdik, aýdandyq taýarlar men qyzmetterdiń sapasyn baqylaý bólimi jáne polıtsııa qyzmetkerleri engen monıtorıng tobyna habarlady.




Top músheleri kórsetilgen mekenjaı boıynsha kelip, toıdyń ústinen tústi. Dastarhan basynda 50-den astam qonaq otyrǵan. Toıdy júrgizgen asaba da bolǵan. Monıtorıng toby karantın kezindegi is-sharany fotoǵa túsirip, beınetirkeýge jazyp aldy. Materıal sheshim qabyldaý úshin Qyzyljar aýdandyq taýarlar men qyzmetterdiń sapasyn baqylaý bólimine jiberildi.

Jánibek Muhamadıevtiń aıtýynsha, Qyzyljar aýdanynda karantın kezinde osymen úshinshi ret toı ótkizilgeni tirkelgen.




Joǵary qaraı