Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da balalar arasynda tumaýǵa shaldyǵý jıiledi

2022 jyldyń 13 qańtar 2022 17:45

PETROPAVL. QazAqparat – Soltústik Qazaqstan oblysynda byltyr tumaýmen aýyrý jaǵdaıy tirkelmese, bıyl epıdemıologııalyq maýsym bastalǵaly 29 adam dárigerdiń kómegine júgindi, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti basshysynyń orynbasary Arman Kúshbasovtyń aıtýynsha, óńirde jiti respıratorlyq vırýstyq ınfektsııany juqtyrǵandar sany artqan. Epıdemıologııalyq maýsym bastalǵaly oblysta JRVI juqtyrǵan 17 814 adam anyqtaldy. Ótken jyly osy aralyqta 13 221 jaǵdaıy tirkelgen. ıAǵnı bıyl aýyrǵandar sany 34 %-ǵa artyp otyr.

«Ótken aptada JRVI juqtyrýdyń 800-ge jýyq jaǵdaıy anyqtaldy. Onyń jartysynan astamy 14 jasqa deıingi balalardyń úlesinde. Sondaı-aq bıyl tumaýmen aýyrǵandar sany artty. Byltyr qaýipti vırýstyń bir de bir jaǵdaıy tirkelmese, bıyl 29 adam dárigerlerdiń kómegine júgindi. Syrqattardyń 60 %-y – balalar. Sondaı-aq tumaýdy juqtyrǵandardyń jartysy - Petropavl turǵyndary. Alda juqpaly vırýstyq aýrýlardyń kóbeıetin ýaqyty kele jatyr. Ádette qańtar aıynyń sońynda bastalyp, sáýir týǵansha jalǵasady», - deıdi Arman Kúshbasov.

Sondaı-aq sanıtar dáriger oqýshylar arasynda koronavırýstyń taralýy boıynsha da aqparat berdi.

«SQO-da qyrkúıek aıynan beri oqýshylar arasynda koronavırýs juqtyrýdyń 1243 jaǵdaıy tirkeldi. Sonyń ishinde 90 bala kanıkýl kezinde aýyrǵan. Jalpy syrqattanǵan oqýshylardyń 90 %-y qaýipti ınfektsııany otbasy múshelerinen juqtyrǵan. ıAǵnı epıdemıologııalyq tergeý barysynda 189 balanyń ǵana KVI-di mektepte juqtyrǵany anyqtaldy.

Ázirge oqýshylardy qashyqtan oqýǵa jiberýge negiz joq. Balalar 17 qańtarda kanıkýldan shyǵysymen oqýlaryn dástúrli formatta jalǵastyrady», - dedi Arman Kúshbasov.


Joǵary qaraı