Aýa raıy
Astana -20 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da bas sanıtarııa dárigeriniń jańa qaýlysy shyqty

2020 jyldyń 20 qarasha 2020 17:31

PETROPAVL. QazAqparat – Soltústik Qazaqstan oblysynda bas sanıtarııa dárigeriniń jańa qaýlysyna sáıkes azyq-túlik dúkenderi men keıbir áleýmettik mekemeniń jumys kestesi ózgerdi, dep habarlaıdy QazAqparat tilshisi.

Búgin koronavırýsqa qatysty SQO-daǵy epıdemıologııalyq jaǵdaı boıynsha óńirlik kommýnıkatsııalar qyzmetiniń uıymdastyrýymen brıfıng ótti. Oblystyń bas sanıtarııa dárigeri Arman Kúshbasov jańa qaýlymen tanystyrdy. Jańa qaýly 23 qarasha kúshine enedi.

SQO aýmaǵynda karantın shekteýi negizinen burynǵysynsha qalady. Tek azyq-túlik dúkenderiniń jumys kestesine ózgertý engizilip, keı nysandar ýaqyty qyzmetin toqtatpaq.

«Azyq-túlik dúkenderi men kúndelikti turmysqa qajet taýar satatyn saýda oryndary buryn saǵat 8.00-den 20.00-ge deıin jumys istese, endi saǵat 8.00-den 22.00-ge deıin uzartyldy.

Qoǵamdyq monshalarǵa saǵat 9.00-den 20.00-ge deıin (jalpy zalmen, jeke kabınalarsyz) 1 kelýshige 4 sharshy metrden kem emes, 50 adamnan aspaıtyn, biraq syıymdylyǵy jobalyq qýatynyń 50% -nan arttyrmaı jumys isteýge ruqsat berildi. Alaıda saýnanyń jumysyna shekteý qoıyldy.

Memlekettik organdar (uıymdar, kásiporyndar), kvazımemlekettik sektor organdary, ulttyq kampanııalar, basqa uıymdar, sondaı-aq kásipkerlik sýbektileri Qazaqstan Respýblıkasynyń Bas memlekettik sanıtarııalyq dárigeriniń № 57, 58 qaýlysynyń talaptaryn saqtaı otyryp jumys isteýi qajet. Sonymen birge jumysshylardyń kem degende 80% qashyqtan eńbek etedi (shtat kestesi 30-dan astam qyzmetkerden turatyndar úshin), shtat kestesi 30 adamnan kem bolsa, qyzmetkerlerdiń keminde 50% qashyqtan jumys isteıdi», - dedi Qaýlydaǵy ózgeristermen tanystyrǵan SQO-nyń bas sanıtarııa dárigeri Arman Kúshbasov.


Joǵary qaraı