Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da bir aptada koronavırýs juqtyrǵandar 1,2 ese artty

2021 jyldyń 4 tamyz 2021 19:26

PETROPAVL. QazAqparat – Soltústik Qazaqstan oblysynda ótken aptada 1046 adam KVI juqtyryp, aýyrǵandar sany 1,2 ese artty, dep habarlaıdy QazAqparat tilshisi.

SQO Sanıtarııalyq-epıdemıologııalyq baqylaý departamenti basshysynyń mindetin atqarýshy Tatıana Gorlovanyń aıtýynsha, óńirde COVID-19-ǵa qatysty jaǵdaı turaqsyz, aýyrǵandar sany artyp keledi. Tek sońǵy bir aptada juqtyrǵandar sany 882-den 1048-ge jetken. Petropavl men Qyzyljar aýdanynda – 1,2 ese, Ýálıhanov aýdanynda – 2 ese, M.Jumabaev aýdanynda – 1,8 ese, Aıyrtaý aýdanynda – 1,4 ese, al Taıynsha aýdanynda 1,3 ese artqan. Aýyrǵandardyń 88% aýrý belgileri bolǵan.

«Óńir 12 shildeden beri «qyzyl» amaqta. Biraq jaǵdaı turaqtalar emes, qaıta ýshyǵyp barady. Buǵan koronavırýstyń «delta» shtamynyń taralýy jáne turǵyndardyń karantındik shekteýlerge atústi qaraýy sebep. Turǵyndar bosańsyp, maska taqpaıtyn bolǵan, sanıtaızerlerdi biren-saran adam qoldanady. Qoǵamdyq kólikte júrgizýshi de, jolaýshylar da maskasyz. Biz qazir monıtorıngti kúsheıtip, talapty saqtamaıtyndardy jazalaıtyn bolamyz. Aıyppuldyń mólsheri úlken – 80 myń teńge shamasynda. Karantındik shekteýlerdi ustanýǵa shaqyramyz», - deıdi Tatıana Gorlova.

Jaǵdaı osylaı jalǵasatyn bolsa óńir «qońyr-qyzyl» aımaqqa ótýi múmkin. Al, bul, qosymsha shekteýlerge alyp keledi.

«Qońyr-qyzyl» aımaqqa qaı ýaqytta ótemiz? Onyń bir faktory – ınfektsııalyq statsıonarlardaǵy oryndar 70% tolǵan jaǵdaıda. Qazir jańadan ınfektsııalyq oryndar ashý máselesi qaralyp jatyr. Biz, ol deńgeıge deıin jetpeımiz dep oılaımyn, alaıda ol úshin turǵyndardyń túsinistigi jáne shekteý sharalaryn saqtaýy mindetti. Otbasylyq toı-tomalaqtar tyıylǵan joq. Mundaı jaǵdaıda jaqyn arada biz de «qońyr-qyzyl» aımaqtan tabylýymyz múmkin», - deıdi departament basshysynyń mindetin atqarýshy.

Jalpy, SQO-da sońǵy aptada myńnan astam adam KVI juqtyrsa, olarmen 1732 adam baılanysta bolǵan. Baılanysta bolǵandardyń 403-i ekpe alǵan, sol sebepti olar úı karantınine jiberilgen joq. Sondaı-aq aýyrǵandardyń arasynda vaktsına alǵandar tirkelmedi.

Buǵan deıin búginnen bastap óńirde karantındik shekteý sharalarynyń kúsheıtilgenin jazǵan edik.


Joǵary qaraı