Aýa raıy
Astana -17 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da bir tsentner balyqty zańsyz aýlaǵandar ustaldy

2020 jyldyń 27 qazan 2020 04:11

PETROPAVL. QazAqparat – Soltústik Qazaqstan oblysynda jyl basynan tabıǵatty qorǵaý zańnamasyn buzýdyń bir myńnan astam deregi anyqtaldy, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, Taıynsha aýdanynda birneshe balyqshy jalǵa berilgen kólden ruqsat qujatynsyz balyq aýlaǵan. Olardan bir tsentnerden astam balyq tárkilendi. Alynǵan pelıad balyǵy kól ıesine qaıtaryldy.

M. Jumabaev aýdanynda balyqshy tyıym salynǵan aýdy qoldanyp, 60 kg astam balyq aýlaǵan. Onda balyq aýlaýǵa ruqsat beretin qujat bolmaǵan.

Al Shal aqyn aýdanynyń turǵyny 78 túp qaıyńdy kesip, otynǵa satqan. Shyǵyn somasy 288 myń teńgeni qurady. Mundaı kólemde zańsyz aǵash kesýge qylmystyq jaýapkershilik bar.

Taǵy tórt soltústikqazaqstandyq Artemııa salınany zańsyz jolmen óndirgeni úshin qylmystyq jaýapkershilikke tartylatyn boldy. Olardan shaıannyń 30-dan astam qaby tárkilendi. Zań buzýshylar Taıynsha aýdany Zelenyı Gaı aýylynyń mańynda ustalǵan.

«SQO-da jyl basynan tabıǵatty qorǵaý zańnamasyn buzýdyń 1182 deregi anyqtaldy, eń kóp ańshylyq erejeleri buzylady. Bıyl osyndaı 416 fakti anyqtaldy. Balyq aýlaý salasynda 256 quqyq buzýshylyq tirkeldi, 10 fakti zańsyz aǵash kesýmen baılanysty», - deıdi Jergilikti polıtsııa qyzmeti basqarmasynyń aǵa ınspektory Ashat Qojabaev.

Tabıǵatty qorǵaý polıtsııasynyń qyzmetkerleri zańsyz ań jáne balyq aýlaý, aǵash kesý jáne tabıǵı resýrstardy paıdalanýdyń shyǵyn somasyna jáne quqyq buzýshylyqtyń basqa da jaǵdaılaryna baılanysty ákimshilik, qylmystyq jaýapkershiliktiń barlyǵyn eskertýde.


Joǵary qaraı