Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da bıyl barlyq túlektiń 72 paıyzy UBT tapsyrady

2021 jyldyń 7 mamyr 2021 05:23

PETROPAVL. QazAqparat – Soltústik Qazaqstan oblysynda 6 mamyrdan 30 maýsymǵa deıin 2456 adam Ulttyq biryńǵaı testileýden ótpek. Bul bıylǵy mektep túlekteriniń 72 %-y, dep habarlaıdy QazAqparat tilshisi.

SQO Bilim basqarmasynyń jetekshisi Gúlmıra Kárimovanyń aıtýynsha, bıyl UBT-nyń úshinshi kezeńi 6 mamyr men 30 maýsym aralyǵynda ótedi. Túlekterge synaqtan ótýge eki múmkindik beriledi, eń joǵary nátıjemen olar granttar baıqaýyna qatysa alady. Budan basqa túlekter UBT tapsyrý ýaqyty men ornyn ózderi tańdaı alady.

«UBT-nyń 3 kezeńine qatysýǵa ótinish 15-30 sáýir aralyǵynda júrgizildi. 11-synyp oqýshylarynyń 2456-sy qatysýǵa nıet bildirdi. Bul - barlyq túlektiń 72 %-y. Jalpy bıyl 3409 oqýshy mektepti bitiredi. Testileý úsh orynda: Petropavlda, Novoıshımka eldi mekeninde jáne Taıynsha qalasynda júrgizilip jatyr», - deıdi Gúlmıra Kárimova.

Búgin UBT-nyń alǵashqy kúni 266 túlek synaqtan ótti. Olardyń 160-y túske deıin tapsyrdy.

«Bir kúnde eki ret, túske deıin jáne tústen keıin tapsyrýǵa bolady. Testileýden keıin 5 mınýt ótkesin elektrondyq formatta apelıatsııaǵa berýge múmkindik bar. Oǵan 30 mınýt berilge. Apelıatsııany Respýblıkalyq apelıatsııalyq komıssııa júrgizedi

UBT-daǵy pánder sany ózgerissiz qaldy. Onyń úsheýi mindetti, ekeýi – salalyq. 120 tapsyrmany oryndaýǵa 4 saǵat ýaqyt beriledi. Maksımaldy 140 ball alýǵa bolady», - deıdi basqarma jetekshisi.

Gúlmıra Kárimovanyń aıtýynsha, UBT-ǵa qatysýshy test tapsyrýǵa ózimen birge ruqsat etilmegen zattardy – telefondy, shpargalkany kirgizgen jaǵdaıda onyń nátıjesi joıylady. Olar ekinshi ret synaqtan óte almaıdy. Al UBT tapsyrýda ekinshi múmkindikti paıdalaný kezinde tártipti buzǵan jaǵdaıda ol balǵashqy nátıjesimen granttar baıqaýyna qatysa almaıdy.


Joǵary qaraı