Aýa raıy
Astana -19 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da bıznes sýbektileri karantın talaptaryn qatań saqtaýǵa mindetteldi

2020 jyldyń 15 tamyz 2020 18:45

PETROPAVL. QazAqparat – Soltústik Qazaqstan oblysynda 17 tamyzdan bastap kóptegen saýda, qyzmet kórsetý oryndary, qosymsha bilim berý mekemeleri men sport nysandary jumysyn bastaıdy. Alaıda olar sanıtarlyq-epıdemıologııalyq talapty qatań saqtaýǵa mindetti, dep habarlaıdy QazAqparat.

SQO memlekettik bas sanıtarııalyq dárigeri Serikbaı Qasmaqasov brıfıng ótkizip, karantın sharalaryndaǵy ózgeris týraly aıtyp berdi.

Karantın talaptarynyń qatańdatylýy óz nátıjesin berip, sońǵy úsh aptadan beri qaýipti ınfektsııany juqtyrǵandar sany turaqty túrde azaıyp keledi. Osy ýaqytqa deıin óńirde koronavırýsty juqtyrǵandar sany 3 699-ǵa jetti. Onyń 2299-y, ıaǵnı 62% aýrý belgisi bolǵan. 2 549 adam táýir boldy. 17 naýqas kóz jumdy.

«Kúndelikti tirkeletin juqtyrǵandar sany 3,5 ese - 99-dan 28-ge deıin tómendedi. 17 tamyzdan bastap karantındik shekteýler jeńildetiledi. Aýmaǵy 500 sharshy metrden aspaıtyn saýda oryndary ashylady. Biraq olarda halyq sany 30% aspaýy kerek. Dúısenbi men juma aralyǵynda saǵat 9.00 men 22.00 aralyǵynda jumys isteıdi. Shashtaraz, sán salony aldyn ala jazylý boıynsha ǵana qabyldaıdy. Qoǵamdyq tamaqtaný oryndary da 30 adamnan asyrmaı keshki saǵat 22.00-ge deıin jumys isteıdi», - deıdi Serikbaı Qasmaqasov.

Qosymsha bilim berý ortalyqtary, balalardyń túzetý kabınetteri 5 adamdyq toppen ǵana jumysyn bastaıdy. Balabaqshalarda 15 búldirshinnen aspaıtyn kezekshi toptar ashylady. Barlyq bazarlar, syrttaǵy attraktsıondar iske qosylady. Fıtnes, trenajer zaldary ashylǵanymen, basseınder jumys istemeıdi. Qoǵamdyq monshalar, monsha keshenderi jartylaı ǵana tolyp, túngi saǵat 00.00-ge deıin ashyq bolady.

Ulttyq qurama, klýb komandalaryna sport nysandarynda bir topta 30 adamnan asyrmaı oqý-jattyǵýdy júrgizýge ruqsat berildi. Al jeke jáne toptyq jattyǵý 5 adammen tek taza aýada ǵana júrgiziledi.

«Shekteý sharalary jeńildetilgenimen saqtanýdy umytpaımyz. Qoǵamdyq oryndarda, kóshede maska taǵýǵa, ara qashyqtyqty saqtaýǵa mindettimiz. Al jumysyn jandandyrǵaly otyrǵan nysandar sanıtarlyq-dezınfektsııalyq sharalardy qolǵa alýǵa mindetti. Monıtorıng toptary muny qadaǵalaıtyn bolady. Senbi-jeksenbi kúnderi karantın shekteýi burynǵysynsha qatańdatylyp, azyq-túlik dúkenderi men dárihanalardan basqasynyń barlyǵynyń jumysy toqtatylady. Bıznes sýbektileri jáne bizdiń árqaısymyz karantın talaptaryn oryndamaıtyn bolsaq, vırýs qaıta órshýi múmkin. Mundaı jaǵdaıda shekteý sharalaryn qaıta qatańdatýǵa májbúr bolamyz», - deıdi oblystyń bas sanıtarııalyq dárigeri.


Joǵary qaraı