Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da blokpostar arqyly 31 myńǵa jýyq kólik ótken

2022 jyldyń 14 qańtar 2022 02:10

PETROPAVL. QazAqparat – Soltústik Qazaqstan oblysynda tótenshe jaǵdaı rejımi engizilgennen bastap osy kúnge deıin 31 myńǵa jýyq kólik ótken. 500-ge jýyǵynyń ótýine tyıym salyndy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, óńirde 13 qańtardan bastap tótenshe jaǵdaı rejımi toqtatylǵanymen, buryn qoıylǵan 25 blokpost jumys istep jatyr. Terrorızmmen kúres jónindegi oblystyq jedel shtab terrorıstik qaýiptiń sary deńgeıine baılanysty ázirge baqylaý-ótkizý rejımin qaldyryp otyr. Petropavl mańynda ornalasqan bes blokposttan turǵyndar jeke basty kýálandyratyn qujattaryn kórsetip baryp ótip jatyr.

Budan basqa ishki ister organdarynyń jeke quramy burynǵydaı erekshe rejımde jumys isteýdi jalǵastyrady. Qoǵamdyq tártip pen memlekettik jáne strategııalyq mańyzy bar nysandar burynǵysynsha qatań kúzetiledi.

Tótensha jaǵdaı engizilgennen beri ótkizý pýnktterinen 31 myńǵa jýyq kólik ótti. 494 kóliktiń ótýine tyıym salyndy. Osy kúnder ishinde tótenshe jaǵdaı rejımin buzýdyń 120 faktisi anyqtaldy, negizinen komendanttyq saǵatty buzýǵa qatysty.


Joǵary qaraı