Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da brakonerlerdi toqtatý úshin qarý qoldanýǵa týra keldi

2021 jyldyń 16 qarasha 2021 14:56

PETROPAVL. QazAqparat – Soltústik Qazaqstan oblysynda «Brakoner» jedel-profılaktıkalyq is-sharasy aıasynda zańsyz ań aýlaǵandar anyqtalyp, olardy toqtatý úshin qyzmet qarýyn qoldanýǵa týra keldi, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, tabıǵatty qorǵaý polıtsııasy tobynyń ınspektory Taıynsha aýdanynyń ýchaskelik polıtsııa ınspektorymen birge «Brakoner» jedel-profılaktıkalyq is-sharasy aıasynda reıd ótkizdi.

Tártip saqshylary Keńes aýyly mańynda «VAZ-2123» avtokóligin baıqaǵan. Júrgizýshi polıtseılerdiń toqtaý týraly talabyna baǵynbaı, jasyrynbaq bolǵan.

Sondyqtan eskertý jasap tabeldik qarýdan aýaǵa atýǵa týra kelgen. Kólik salonynda 22 men 32 jas aralyǵyndaǵy Aqmola oblysynyń tórt turǵyny bolǵan.

Oqıǵa ornyna shaqyrylǵan aýdandyq polıtsııa bóliminiń jedel-tergeý toby kólikten sibir eliginiń etin jáne «IJ-58» markaly tirkelmegen ańshy qarýyn tárkiledi.

Ustalǵandardyń ań atýǵa ruqsat qujaty bolmaǵan. Atalǵan fakti «zańsyz ańshylyq» baby boıynsha tirkeldi.

«SQO-da «Brakoner» jedel-profılaktıkalyq is-sharasy 20 qazan men 19 qarasha aralyǵynda ótip jatyr. Tabıǵatty qorǵaý polıtsııasy bólinisteriniń qyzmetkerleri qoryqshylarmen birlese ań aýlaý qaǵıdalarynyń buzýshylyqtaryn anyqtaý, sondaı-aq ańdardy-qusty brakonerlik jolmen aýlaý faktileriniń aldyn alý úshin orman alqaptarynda reıdti kúsheıtti. Іs-shara ótken ýaqytta ań aýlaý qaǵıdalaryn buzýdyń 157 deregi anyqtaldy. Negizinen qarýdy jınalǵan jáne oqtalǵan kúıde tasymaldaýǵa qatysty. J azataıym oqıǵalardy boldyrmaý úshin buǵan úzildi-kesildi tyıym salynǵan. Sonymen qatar, balyq aýlaý qaǵıdalaryn buzýdyń 34 faktisi tirkeldi», - deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.


Joǵary qaraı