Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da byltyr jatyr moıny obyrynan 14 áıel qaıtys boldy

2022 jyldyń 18 qańtar 2022 14:41

PETROPAVL. QazAqparat – Qańtar aıynda elimizdiń onkologııa uıymdarynda jatyr moıny qaterli isigi boıynsha halyqaralyq aptalyq ótedi. Soltústik Qazaqstan oblystyq onkologııalyq ortalyqtyń onkolog-dárigeri Irına Astanına qaterli dert jáne onyń aldyn alý joldary jaıynda aıtyp berdi, dep habarlaıdy QazAqparat tilshisi.

SQO kópsalaly oblystyq aýrýhanasy onkologııalyq ortalyǵynyń onkolog-dárigeri Irına Astanınanyń aıtýynsha, jatyr moıny obyry - aldyn alýǵa bolatyn aýrýlardyń biri.

Óıtkeni bul dert baıaý damıdy jáne dárigerge kóriný arqyly ony der kezinde anyqtaýǵa bolady, ıaǵnı vızýaldy tekserý úshin qol jetimdi organ.

Obyrdyń paıda bolý sebepterin, qater faktorlaryn, klınıkalyq belgilerin bile otyryp, onymen kúresýge bolady.

«Jatyr moıny obyry vırýstan, hımııalyq zattardyń jasýsha ıadrosyna áser etýinen jáne tuqym qýalaýshylyqtan paıda bolýy múmkin. Al oǵan jatyr moınyndaǵy aýrýlar, jynystyq qatynasqa erte barý, jynystyq seriktesterdi jıi ózgertý, temeki shegý, gormonaldy preparattardy qabyldaý, ımmýn tapshylyǵy áser etedi. Bul derttiń ereksheligi – ol uzaq ýaqyt boıy belgi bermeıdi. Aýrý bastalǵan kezde aqshyl, qan aralas suıyqtyq bólinedi. Bastapqyda qan jynystyq qatynastan, aýyr zatty kóterýden keıin paıda bolady, etekkir arasynda da, menopaýza ornaǵannan keıin de qan ketýi múmkin. Naýqastyń ádette beli aýyrady», - deıdi Irına Astanına.

Aýrý asqynǵan kezde aýyrsyný, dene temperatýrasynyń joǵarylaýy, aıaq-qoldardyń isinýi, ishek fýnktsııasynyń, zár shyǵarý júıesiniń buzylýy paıda bolady.

Jalpy belgileri: jalpy álsizdik, sharshaý, tábettiń bolmaýy, salmaqtyń túsýi.

Alaıda, der kezinde dárigerge kóringen jaǵdaıda jatyr moıny qaterli isigin emdeýge bolady eken.

«Jatyr moıny obyry hırýrgııalyq, sáýlelik terapııa jáne aralas emdeý ádisi arqyly emdeledi. Emdeý ádisi obyrdyń damý kezeńine qaraı tańdalady. Alaıda aýrý batpandap kirip, mysqaldap shyǵatynyn umytpaǵan jón. Sondyqtan obyrdyń aldyn alý úshin skrınıngten ótip turǵan jón. 2008 jyldan bastap elimizde bul jumys jaqsy qolǵa alynǵan. Al eń durysy – salamatty ómir saltyn ustaný, temeki shegýden bas tartyp, ımmýnıtetti kóterý, sportpen aınalysý. Eń bastysy – jylyna bir ret gınekolog dárigerge kórinip turý qajet», - deıdi onkolog-dáriger.

SQO-da qazirgi ýaqytta onkologııalyq ortalyqtyń esebinde 499 áıel jatyr moıny qaterli isigimen esepte tur.

Byltyr 54 adamda dert anyqtalsa, 14 áıel obyrdan qaıtys boldy.



Joǵary qaraı