Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da COVID-19-ǵa qarsy dári-dármektiń eki aılyq qory bar

2022 jyldyń 19 qańtar 2022 13:26

PETROPAVL. QazAqparat – Soltústik Qazaqstan oblysyndaǵy ınfektsııalyq statsıonarlarda koronavırýstan emdeýge qajet dári-dármektiń qory jetkilikti. Jansaqtaý bólimsheleri 100 % medıtsınalyq ottegimen qamtyldy, dep habarlaıdy QazAqparat tilshisi.

SQO densaýlyq saqtaý basqarmasynyń málimetinshe, oblystaǵy 17 ınfektsııalyq statsıonar koronavırýstan emdeýge qajet preparattarmen eki aıǵa qamtylǵan. 2022 jylǵa da biryńǵaı dıstrıbıýtormen dári-dármekti jetkizýge kelisim jasaldy.

Reanımatsııalyq bólimshelerdi ottegimen qamtamasyz etetin 388 ottegi kontsentratory, 775 ottegi ballony bar. ıAǵnı, aýyr haldegi naýqastar 100 % medıtsınalyq ottegimen qamtylǵan. Sondaı-aq 5 medıtsınalyq uıymda 602 orynǵa ortalyqtandyrylǵan ottegi berý qarastyrylǵan.

Qazirgi ýaqytta oblystyq ınfektsııalyq statsıonarlarda koronavırýspen kúreske 131 dáriger, 337 orta medıtsınalyq qyzmetker jáne 305 kishi medıtsınalyq qyzmetker jumyldyrylǵan. Medıtsına qyzmetkerleri úshin «Omıkron – ózekti aqparat», «Covid-19 – koronavırýstyq ınfektsııa, balalar men júkti áıelderdi dıagnostıkalaý jáne emdeý hattamasy» taqyrybyna apta saıyn onlaın-semınar ótkizilip keledi.

Al 14 qańtardan bastap oblysta koronavırýs boıynsha shtab jumysyn bastady. Shtabtyń mindeti - KVI-men kúreske jumyldyrylǵan mobıldi brıgadalardyń, ahýaldyq ortalyqtar men statsıonarlardyń jumysyn úılestirý.


Joǵary qaraı