Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da dıqandar shaǵyn zaýyt salyp, suıyq tyńaıtqyshty ózderi óndirip jatyr

2020 jyldyń 4 tamyz 2020 22:52

PETROPAVL. QazAqparat – Soltústik Qazaqstan oblysynda ósimdik sharýashylyǵymen aınalysatyn kásipkerler shaǵyn zaýyttar ashyp, tıimdiligi joǵary suıyq tyńaıtqyshtardy ózderi shyǵaratyn bolǵan, dep habarlaıdy QazAqparat tilshisi.

Bul jaıynda SQO ákimdiginde kúzgi oraq naýqanyna ázirlikti pysyqtaǵan otyrysta belgili boldy.

Mamandardyń aıtýynsha, qandaı tuqym bolmasyn qosymsha qunarsyz jaqsy ónim bermeıdi. Bıyl ótken jlmen salystyrǵanda tyńaıtqyshtarǵa qarjylandyrý 40% artqan. ıAǵnı 18,1 mlrd teńge bólindi. Nátıjesinde sharýalar 2,3 mln ga aýmaqqa 130 myń tonna tyńaıtqysh sebe alady. Búginde onyń 1,5 mln ga óńdeldi.

«El boıynsha bul joǵary kórsetkish. Jyl saıyn biz ony arttyryp kelemiz. Eger 3 jyl buryn tek 91 myń tonna tyńaıtqysh qana qoldanylsa, byltyr 120 myń tonnasy sebildi», - deıdi SQO ákimi Qumar Aqsaqalov.

Óńir basshysynyń aıtýynsha, jergilikti sharýalar suıyq tyńaıtqyshtardy búginde ózderi óndiretin bolǵan.

«Eki jyl buryn oblysta 500 tonna karbamıtti-ammıak qospasyn shyǵaratyn bir ǵana shaǵyn zaýyt boldy. Búginde alty sharýashylyq negizinde 10 myń tonna tyńaıtqysh óndiriledi. ıAǵnı eki jyldyń ishinde óndiris 20 ese artty. Munyń paıdasy óte zor. Ózimizde shyǵarylǵan bir tonna tyńaıtqysh 58 myń teńge tursa, onyń naryqtaǵy baǵasy – 140 myń teńge», - deıdi Qumar Aqsaqalov.

Eske sala ketsek, SQO-da kúzdik daqyl oraǵynyń aıaqtalyp keledi. Sharýalardyń ár gektardan orta eseppen 30 tsentnerge jýyq ónim alyp jatyr.


Joǵary qaraı